AP Weather: ద్రోణి ప్రభావం తో ఆంధ్రలో వర్షాలు

గంగా పరివాహక పశ్చిమ బెంగాల్ మరియు దాని పరిసర ప్రాంతాల్లో ఏర్పడిన అల్పపీడనం జూలై 7వ తేదీ ఉదయం 8:30 గంటలకు నైరుతి గంగా పరివాహక ప్రాంతాలకు విస్తరించింది. ఇది 7.6 కి.మీ ఎత్తు వరకు ఉపరితల ఆవర్తనంతో కూడి ఉండగా, ఎత్తుకు వెళ్ళేకొలది నైరుతి దిశగా వంగి ఉంది. ఈ అల్పపీడనం రాబోయే రెండు రోజుల్లో జార్ఖండ్ మరియు ఉత్తర ఛత్తీస్‌గఢ్ మీదుగా పశ్చిమ-వాయువ్య (West-northwest) దిశగా కదిలే అవకాశం ఉంది. దీనివల్ల మిడిల్ ఇండియా మీదుగా మేఘాలుగాఢంగా కమ్ముకుంటాయి.

ద్రోణి స్థితి – మధ్య భారతదేశం మీదుగా విస్తృతి

ప్రస్తుతం ద్రోణి దక్షిణ రాజస్థాన్ నుండి పశ్చిమ బెంగాల్ పరిసరాల వరకు విస్తరించి ఉంది. ఉపరితల ఆవర్తనం వరకు మధ్య మధ్యప్రదేశ్, ఉత్తర ఛత్తీస్‌గఢ్, దక్షిణ జార్ఖండ్ మీదుగా సగటు సముద్ర మట్టానికి 3 .1 నుండి 7.6 కి.మీ ఎత్తువరకు విస్తరించి ఎత్తుకు వెళ్ళేకొలది దక్షిణ దిశగా వంగి ఉన్నది. ఆంధ్రప్రదేశ్ (AP Weather) మరియు యానాం మీదుగా దిగువ ట్రోపో ఆవరణములో పశ్చిమ గాలులు వీస్తున్నాయి. వీటి ఫలితంగా రాష్ట్రంలో రాగల మూడు రోజుల వరకు (next three days) వాతావరణ సూచనలు.

ఆంధ్రప్రదేశ్ వర్ష సూచనలు (జూలై 8-10 మధ్య)

ఉత్తర కోస్తా ఆంధ్రప్రదేశ్ & యానాం:

సోమవారం, మంగళవారం, బుధవారం తేలికపాటి నుండి ఒక మోస్తరు వర్షాలు లేదా ఉరుములతో కూడిన జల్లులు కొన్ని చోట్ల కురిసే అవకాశముంది. ఉరుములతో కూడిన మెరుపులు మరియు బలమైన గాలులు గంటకు 40 -50 కి.మీ. వేగం తో వీచే అవకాశం ఉంది

దక్షిణ కోస్తా ఆంధ్రప్రదేశ్:

సోమవారం, తేలికపాటి నుండి ఒక మోస్తరు వర్షాలు లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది. ఉరుములతో కూడిన మెరుపులు, బలమైన గాలులు గంటకు 40 -50 కి.మీ. వేగం తో వీచే అవకాశం ఉంది.

మంగళవారం, బుధవారం తేలికపాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది. బలమైన గాలులు గంటకు 40-50 కి.మీ. వేగం తో వీచే అవకాశం ఉంది.

రాయలసీమ:

సోమవారం, మంగళవారం, బుధవారం తేలికపాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది. బలమైన గాలులు గంటకు 40-50 కి.మీ. వేగం తో వీచే అవకాశం ఉంది.

ప్రస్తుత వాతావరణ వ్యవస్థలను పరిశీలిస్తే, ఆంధ్రప్రదేశ్‌లో (AP Weather) మూడు రోజులపాటు వర్షాలు మరియు గాలుల ప్రభావం కనబడనుంది. ఇది ఖచ్చితంగా రైతులకు, విద్యుత్ శాఖ, మరియు బహిరంగ కార్యకలాపాల్లో ఉన్నవారికి అప్రమత్తంగా ఉండాల్సిన సమయం .