AP: తెలుగుదేశం పార్టీ కేంద్ర కార్యాలయంలో మంగళవారం టీడీపీ పార్లమెంట్ కమిటీ సమావేశం ఉత్సాహంగా జరిగింది. పార్టీ జాతీయ ప్రధాన కార్యదర్శి మరియు మంత్రి నారా లోకేష్(Nara Lokesh) అధ్యక్షతన జరిగిన ఈ భేటీలో కదిరి ఎమ్మెల్యే కందికుంట వెంకట ప్రసాద్ పాల్గొన్నారు.
Read also: AP: ఈ నెల 28న కేబినెట్ భేటీ
పార్లమెంట్ కమిటీ పాత్ర కీలకం
ఈ సందర్భంగా ఎమ్మెల్యే కందికుంట(Kandikunta Venkata Prasad) మాట్లాడుతూ, పార్లమెంట్ కమిటీ సభ్యులు పార్టీకి, ప్రజలకు మధ్య వారధిలా పనిచేయాలని పిలుపునిచ్చారు. కమిటీ విధివిధానాలను వివరిస్తూ.. ప్రతి సభ్యుడు తన బాధ్యతను సమర్థవంతంగా నిర్వహించినప్పుడే క్షేత్రస్థాయిలో పార్టీ మరింత బలోపేతం అవుతుందని పేర్కొన్నారు.
టెక్నాలజీ వినియోగంపై సూచనలు
ప్రస్తుత ఆధునిక రాజకీయాల్లో సోషల్ మీడియా పాత్రను ఆయన ప్రత్యేకంగా ప్రస్తావించారు. “కేవలం సాంప్రదాయ ప్రచారానికే పరిమితం కాకుండా, ఆధునిక టెక్నాలజీని అందిపుచ్చుకోవాలి. ప్రభుత్వ సంక్షేమ పథకాలను, పార్టీ సిద్ధాంతాలను సామాన్యులకు చేరువ చేయడానికి సోషల్ మీడియాను అస్త్రంగా వాడుకోవాలి” అని సభ్యులకు కీలక సూచనలు చేశారు. నారా లోకేష్ నాయకత్వంలో యువత మరియు టెక్నాలజీకి పార్టీ ఇస్తున్న ప్రాధాన్యతను ఆయన కొనియాడారు.
Read hindi news: hindi.vaartha.com
Epaper: epaper.vaartha.com
Read Also:
