Nellore Railway Station Fire Accident: నెల్లూరు ప్రధాన రైల్వే స్టేషన్లో సోమవారం ఉదయం ఒక్కసారిగా కలకలం రేగింది. టికెట్ బుకింగ్ కార్యాలయంలో స్వల్ప అగ్నిప్రమాదం చోటుచేసుకోవడంతో ప్రయాణికులు, సిబ్బంది భయాందోళనకు గురయ్యారు.
Read Also: Rain alert : హైదరాబాద్లో వర్షం సూచన, ఐదు రోజులపాటు వానలు
జంక్షన్ బాక్స్లో మంటలు
అధికారుల సమాచారం ప్రకారం.. రైల్వే స్టేషన్లోని టికెట్ బుకింగ్ కౌంటర్ల సమీపంలో ఉన్న విద్యుత్ కేబుళ్ల జంక్షన్ బాక్స్లో ఒక్కసారిగా మంటలు చెలరేగాయి. షార్ట్ సర్క్యూట్ కారణంగానే ఈ ప్రమాదం జరిగినట్లు ప్రాథమికంగా భావిస్తున్నారు. మంటలు వ్యాపించడాన్ని గమనించిన బుకింగ్ సిబ్బంది వెంటనే అప్రమత్తమై అగ్నిమాపక కేంద్రానికి సమాచారం అందించారు.
Nellore Railway Station Fire Accident: అదుపులోకి వచ్చిన మంటలు
సమాచారం అందుకున్న అగ్నిమాపక సిబ్బంది హుటాహుటిన సంఘటనా స్థలానికి చేరుకుని మంటలను అదుపు చేశారు. సకాలంలో స్పందించడంతో భారీ ప్రమాదం తప్పిందని, ఎవరికీ ఎలాంటి గాయాలు కాలేదని అధికారులు తెలిపారు. దీంతో ప్రయాణికులు, రైల్వే సిబ్బంది ఊపిరి పీల్చుకున్నారు.
నిలిచిపోయిన టికెట్ బుకింగ్ సేవలు
ఈ ప్రమాదం కారణంగా విద్యుత్ సరఫరాకు అంతరాయం ఏర్పడటంతో, టికెట్ బుకింగ్ సేవలు సుమారు గంట పాటు నిలిచిపోయాయి. రైలు ప్రయాణాల కోసం టికెట్లు తీసుకునేందుకు వచ్చిన ప్రయాణికులు ఇబ్బందులు పడ్డారు. అనంతరం మరమ్మతులు పూర్తి చేసి యధావిధిగా సేవలను పునరుద్ధరించారు.
Read hindi news: hindi.vaartha.com
Epaper : epaper.vaartha.com
Read Also:
