సినిమా ప్రపంచంలో తనదైన నటనతో ‘లేడీ పవర్ స్టార్’గా గుర్తింపు తెచ్చుకున్న సాయి పల్లవి, ఇప్పుడు బాలీవుడ్ వెండితెరపై ఒక అరుదైన మైలురాయిని చేరుకోవడానికి సిద్ధమవుతోంది. గతంలో అనేక ఐకానిక్ పాత్రలకు ప్రాణం పోసిన ఆమె, ఇప్పుడు భారతీయ చలనచిత్ర చరిత్రలో తిరుగులేని అందగత్తెగా పేరుగాంచిన ‘మధుబాల’ బయోపిక్ కోసం ఎంపికైనట్లు సినీ వర్గాల్లో గట్టి చర్చ నడుస్తోంది. అద్భుతమైన దృశ్యకావ్యాలను తెరకెక్కించడంలో దిట్ట అయిన ప్రముఖ దర్శకుడు సంజయ్ లీలా భన్సాలీ ఈ ప్రాజెక్టును రూపొందించనున్నారని సమాచారం. ఇప్పటికే ‘ఏక్ దిన్’ సినిమాతో హిందీ తెరకు పరిచయం కాబోతున్న సాయి పల్లవిని, మధుబాల పాత్ర కోసం భన్సాలీ సంప్రదించారని, ఆమె కూడా ఈ పాత్ర పట్ల ఆసక్తిగా ఉన్నట్లు తెలుస్తోంది.
Read Also : Amarajeevi Potti Sriramulu Statue : నేడు అమరావతిలో ‘అమరజీవి’ విగ్రహావిష్కరణ
ప్రస్తుతం సాయి పల్లవి చేతినిండా భారీ ప్రాజెక్టులతో బిజీగా ఉన్నారు. అమీర్ ఖాన్ కుమారుడు జునైద్ ఖాన్తో కలిసి నటిస్తున్న సినిమాతో పాటు, నితీష్ తివారీ దర్శకత్వంలో తెరకెక్కుతున్న అత్యంత ప్రతిష్టాత్మకమైన ‘రామాయణం’ సినిమాలో సీతగా ఆమె నటిస్తున్నారు. అలాగే తమిళంలో ధనుష్ సరసన కూడా ఒక చిత్రంలో నటిస్తున్నారు. ఇంతటి బిజీ షెడ్యూల్లో కూడా మధుబాల వంటి లెజెండరీ నటి బయోపిక్కు ఆమె గ్రీన్ సిగ్నల్ ఇస్తే, అది ఆమె కెరీర్లోనే అతిపెద్ద మలుపుగా మారుతుందని విశ్లేషకులు భావిస్తున్నారు. మధుబాల రూపానికి, సాయి పల్లవి సహజ సిద్ధమైన నటనకు సరిగ్గా సరిపోతుందనే ఉద్దేశంతోనే భన్సాలీ ఈ నిర్ణయం తీసుకున్నట్లు సమాచారం. ఈ ప్రాజెక్టుపై అధికారిక ప్రకటన వస్తే, ఉత్తరాది మరియు దక్షిణాది సినీ ప్రియులకు ఇది ఒక తీపి కబురు కానుంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
