RC17: తెలుగు చిత్ర పరిశ్రమలో ‘రంగస్థలం’ వంటి క్లాసిక్ హిట్ను అందించిన గ్లోబల్ స్టార్ రామ్ చరణ్, లెజెండరీ డైరెక్టర్ సుకుమార్ మళ్లీ చేతులు కలిపారు. వీరిద్దరి కాంబినేషన్లో అనౌన్స్ అయిన ‘RC17’పై అంచనాలు ఆకాశాన్ని తాకుతున్నాయి. తాజాగా ఈ సినిమాకు సంబంధించిన ఒక భారీ అప్డేట్ సోషల్ మీడియాలో చక్కర్లు కొడుతోంది.
Read Also: Telugu Cinema: శేఖర్ కమ్ముల దర్శకత్వంలో నాగచైతన్య.. మళ్లీ ‘లవ్ స్టోరీ’ మ్యాజిక్ రిపీట్ అవుతుందా?
కాన్సెప్ట్ పోస్టర్ విడుదల?
ఫిల్మ్ నగర్ వర్గాల సమాచారం ప్రకారం, రామ్ చరణ్ పుట్టినరోజు సందర్భంగా ‘RC17’కు సంబంధించిన ఒక పవర్ఫుల్ అప్డేట్ ఇవ్వడానికి చిత్ర బృందం సిద్ధమవుతోందని టాక్. ఈ సందర్భంగా సినిమాకు సంబంధించిన కాన్సెప్ట్ పోస్టర్ను విడుదల చేయడంతో పాటు షూటింగ్ ఎప్పుడు ప్రారంభం కానుందో కూడా ప్రకటించే అవకాశం ఉన్నట్లు తెలుస్తోంది. ఇప్పటికే కథా చర్చలు పూర్తయ్యాయని, సుకుమార్ ఒక బలమైన కథను సిద్ధం చేసినట్లు సమాచారం.
అలాగే, ‘పెద్ది’ సినిమా టీజర్ను విడుదల చేసే అవకాశాలు ఉన్నాయని టాక్ వినిపిస్తోంది. ఇప్పటికే విడుదలైన ‘చికిరి చికిరి’ పాటతో పాటు గ్లింప్స్ సోషల్ మీడియాలో మంచి స్పందన అందుకున్నాయి. దీంతో టీజర్ విడుదలైతే సినిమాపై అంచనాలు మరింత పెరగడం ఖాయమని అభిమానులు భావిస్తున్నారు. ఒకే రోజు ‘RC17’ సినిమాకు సంబంధించిన అప్డేట్, అలాగే ‘పెద్ది’ టీజర్ విడుదలయ్యే అవకాశం ఉండటంతో మార్చి 27న రామ్ చరణ్ అభిమానులకు నిజంగా డబుల్ ధమాకా అందబోతుందని సినీ వర్గాలు చెబుతున్నాయి. ఈ రెండు అప్డేట్లు సోషల్ మీడియాలో ఎలాంటి రికార్డులు సృష్టిస్తాయో చూడాలి.
Read hindi news: hindi.vaartha.com
Epaper : epaper.vaartha.com
Read Also:
