ఆంధ్రప్రదేశ్లో నిరుద్యోగ యువత ఎంతో కాలంగా ఆశగా ఎదురుచూస్తున్న ‘జాబ్ క్యాలెండర్ 2026’ విడుదలకు కూటమి ప్రభుత్వం రంగం సిద్ధం చేస్తోంది. పవిత్ర ఉగాది పర్వదినం సందర్భంగా రాష్ట్రంలోని వివిధ ప్రభుత్వ శాఖల్లో ఖాళీగా ఉన్న పోస్టుల భర్తీకి సంబంధించి సమగ్రమైన క్యాలెండర్ను ప్రకటించాలని ముఖ్యమంత్రి నారా చంద్రబాబు నాయుడు లక్ష్యంగా పెట్టుకున్నారు. ఇందులో భాగంగా ఇప్పటికే ఆర్థిక శాఖ రాష్ట్రవ్యాప్తంగా ఉన్న అన్ని విభాగాల నుండి ఖాళీల వివరాలను సేకరించింది. ఈ ప్రక్రియలో భాగంగా రేపు (శుక్రవారం) ప్రభుత్వం అన్ని శాఖల విభాగాధిపతులతో (HoDs) కీలక భేటీ నిర్వహించనుంది. ఈ సమావేశంలో ఖాళీల సంఖ్యపై స్పష్టత తీసుకువచ్చి, తుది జాబితాను ఖరారు చేయనున్నారు.
Read Also : AP Assembly : అసెంబ్లీ లో సెల్ఫ్ డబ్బాలు తప్ప ఇంకేమీ లేదు – జగన్
మరోవైపు, నిరుద్యోగులను తప్పుదోవ పట్టించేలా సోషల్ మీడియాలో జరుగుతున్న ప్రచారాలపై ప్రభుత్వం అప్రమత్తమైంది. రాష్ట్రంలో మిడ్ లెవల్ హెల్త్ ప్రొవైడర్ (MLHP) పోస్టుల భర్తీకి నోటిఫికేషన్ విడుదలయ్యిందంటూ సర్క్యులేట్ అవుతున్న వార్తలు పూర్తిగా ఫేక్ అని వైద్య ఆరోగ్య మరియు కుటుంబ సంక్షేమ శాఖ స్పష్టమైన ప్రకటన విడుదల చేసింది. అటువంటి అధికారిక నోటిఫికేషన్ ఏదీ జారీ చేయలేదని, నిరుద్యోగులు ఇటువంటి తప్పుడు సమాచారాన్ని నమ్మి మోసపోవద్దని హెచ్చరించింది. కేవలం అధికారిక వెబ్సైట్లలో వచ్చే సమాచారాన్ని మాత్రమే ప్రామాణికంగా తీసుకోవాలని సూచించింది. జాబ్ క్యాలెండర్ ద్వారా పారదర్శకంగా అన్ని ఉద్యోగాల భర్తీ చేపడతామని ప్రభుత్వం ధీమా వ్యక్తం చేస్తోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
