Arcelor Steel Plant : 23న ఆర్సెలార్ స్టీల్ ప్లాంట్ కు సీఎం చంద్రబాబు శంకుస్థాపన

ఆంధ్రప్రదేశ్ పారిశ్రామిక రంగంలో మరో చారిత్రాత్మక ఘట్టానికి తెరలేవబోతోంది. అనకాపల్లి జిల్లా నక్కపల్లి సమీపంలో సుమారు రూ. 1.35 లక్షల కోట్ల భారీ పెట్టుబడితో ఏర్పాటు కానున్న ఆర్సెలార్ మిట్టల్ నిప్పన్ స్టీల్ (AMNS) ప్లాంట్‌కు ఈ నెల 23న ముఖ్యమంత్రి నారా చంద్రబాబు నాయుడు శంకుస్థాపన చేయనున్నారు. రెండు దశల్లో, సుమారు 5,300 ఎకరాల విస్తీర్ణంలో నిర్మితం కానున్న ఈ మెగా ప్రాజెక్టు రాష్ట్ర చరిత్రలోనే అతిపెద్ద పారిశ్రామిక పెట్టుబడులలో ఒకటిగా నిలవనుంది. ఈ ప్రతిష్ఠాత్మక కార్యక్రమానికి ప్రధానమంత్రి నరేంద్ర మోదీ కూడా హాజరయ్యే అవకాశం ఉండటంతో, రాష్ట్ర ప్రభుత్వం మరియు జిల్లా యంత్రాంగం యుద్ధ ప్రాతిపదికన ఏర్పాట్లు చేస్తోంది.

AP Assembly : అసెంబ్లీ లో సెల్ఫ్ డబ్బాలు తప్ప ఇంకేమీ లేదు – జగన్

ఈ స్టీల్ ప్లాంట్ రాకతో ఉత్తరాంధ్ర ప్రాంతం ఆర్థికంగా మరియు సామాజికంగా సమూల మార్పులకు లోనయ్యే అవకాశం ఉంది. ప్రత్యక్షంగా మరియు పరోక్షంగా వేలాది మంది యువతకు ఉపాధి అవకాశాలు లభించడమే కాకుండా, అనుబంధ పరిశ్రమలు కూడా భారీగా తరలివచ్చే వీలుంది. ముఖ్యంగా అంతర్జాతీయ ప్రమాణాలతో కూడిన ఉక్కు ఉత్పత్తి కేంద్రంగా నక్కపల్లి తీర్చిదిద్దబడటం వల్ల ఏపీ గ్లోబల్ ఇన్వెస్ట్మెంట్ మ్యాప్‌లో కీలక స్థానాన్ని దక్కించుకోనుంది. పారిశ్రామిక ప్రగతికి ఊతమిస్తూ, రాష్ట్ర జిడిపి (GDP) వృద్ధిలో ఈ ప్లాంట్ కీలక పాత్ర పోషిస్తుందని ఆర్థిక నిపుణులు భావిస్తున్నారు.