Khammam Velugumatla Victims: ఖమ్మంలోని వెలుగుమట్ల బాధితులకు సహాయం అందించే క్రమంలో పోలీసుల వ్యవహారశైలి వివాదాస్పదంగా మారింది. బాధితుల కోసం పువ్వాడ ఫౌండేషన్ ఆధ్వర్యంలో పంపిన భోజన వాహనాన్ని పోలీసులు అడ్డుకోవడంతో ఉద్రిక్తత చోటుచేసుకుంది. తమకు తీవ్రంగా ఆకలేస్తోందని, భోజనం పంపాలని బాధితులు, ముఖ్యంగా మహిళలు పోలీసుల కాళ్లు పట్టుకుని వేడుకున్నా ఫలితం లేకుండా పోయింది. ఈ క్రమంలో పోలీసుల అత్యుత్సాహంపై బాధితులు మరియు సామాజిక కార్యకర్తలు తీవ్ర ఆగ్రహం వ్యక్తం చేస్తున్నారు.
Read Also: Tank Bund Protest: మిలియన్ మార్చ్ సందర్భంగా కేటీఆర్ స్పెషల్ పోస్టు
పోలీసుల హుకుం.. రోడ్డుపైనే భోజనం వడ్డించిన బీఆర్ఎస్ నేతలు
రెవెన్యూ విభాగం ద్వారా మాత్రమే ఆహారం అందిస్తామని, బయటి వ్యక్తులు ఇచ్చే భోజనం తినవద్దని పోలీసులు హుకుం జారీ చేశారు. అయితే, “ఇన్ని రోజులుగా మా ఆకలి తీర్చని అధికారులు, ఇప్పుడు సహాయం వస్తుంటే ఎందుకు అడ్డుకుంటున్నారు?” అని బాధితులు పోలీసులను నిలదీశారు. బాధితుల ఆవేదనను చూసిన బీఆర్ఎస్ (BRS) నాయకులు పోలీసుల అభ్యంతరాలను లెక్కచేయకుండా రోడ్డుపైనే బాధితులకు భోజనాలు వడ్డించారు. ఈ ఘటన ఖమ్మం రాజకీయాల్లో మరియు సామాజిక వర్గాల్లో పెద్ద చర్చకు దారితీసింది.
Read hindi news: hindi.vaartha.com
Epaper: epaper.vaartha.com
Read Also:
