Israel Iran War: పశ్చిమాసియాలో యుద్ధం భీకర రూపం దాల్చింది. ఇరాన్ రాజధాని టెహ్రాన్లోని వ్యూహాత్మకమైన మెహ్రాబాద్ అంతర్జాతీయ విమానాశ్రయాన్ని లక్ష్యంగా చేసుకుని అమెరికా మరియు ఇజ్రాయెల్ దళాలు భారీ దాడులకు దిగాయి. ఇరాన్ సైనిక కార్యకలాపాలకు, ఉన్నతాధికారుల (VIP) రాకపోకలకు ఈ ఎయిర్పోర్టు అత్యంత కీలకమైనది. ఈ విమానాశ్రయంపై వరుసగా క్షిపణి దాడులు జరగడంతో అక్కడి మౌలిక సదుపాయాలు భారీగా దెబ్బతిన్నట్లు సమాచారం.
Read Also:Trump iran warning : ఇరాన్ లొంగిపోవాలి ట్రంప్ సంచలన హెచ్చరిక
మెహ్రాబాద్ విమానాశ్రయంలో భారీ పేలుళ్లు
ఈ విధ్వంసకర దాడులకు సంబంధించిన దృశ్యాలు ప్రస్తుతం సామాజిక మాధ్యమాల్లో వైరల్ అవుతున్నాయి. ఆ వీడియోలలో విమానాశ్రయ పరిసరాల్లో భారీ పేలుళ్లు సంభవించడం, ఆకాశమంత ఎత్తుకు మంటలు ఎగిసిపడటం కనిపిస్తోంది. క్షిపణుల తాకిడికి ఎయిర్పోర్టులోని పలు విభాగాలు కకావికలమయ్యాయి. ఈ దాడులతో ఇరాన్ రక్షణ వ్యవస్థకు పెద్ద దెబ్బ తగిలినట్లు అంతర్జాతీయ రక్షణ నిపుణులు విశ్లేషిస్తున్నారు.
మరోవైపు, ఈ దాడులకు ప్రతిచర్యగా ఇరాన్ కూడా తీవ్రంగా స్పందించింది. ఇరాక్ రాజధాని బాగ్దాద్ సమీపంలో ఉన్న అమెరికా రాడార్ స్టేషన్పై ఇరాన్ క్షిపణులతో విరుచుకుపడింది. ఈ దాడి కారణంగా రాడార్ స్టేషన్లో పెద్ద ఎత్తున మంటలు చెలరేగి, భారీ ఆస్తి నష్టం వాటిల్లింది. ఇరు పక్షాల మధ్య జరుగుతున్న ఈ భీకర దాడులతో గల్ఫ్ ప్రాంతంలో యుద్ధం మరింత ముదిరే ప్రమాదం కనిపిస్తోంది.
Read hindi news: hindi.vaartha.com
Epaper: epaper.vaartha.com
Read Also:
