Holi Sale: పండుగ సీజన్ వచ్చిందంటే చాలు, విమానయాన సంస్థలు ప్రయాణికులను ఆకర్షించేందుకు అదిరిపోయే ఆఫర్లతో ముందుకొస్తాయి. తాజాగా హోలీ పండుగను పురస్కరించుకుని, ప్రముఖ ఎయిర్లైన్స్ సంస్థలు ఎయిరిండియా (Air India) మరియు ఎయిరిండియా ఎక్స్ప్రెస్ (Air India Express) తమ కస్టమర్ల కోసం ‘స్పెషల్ హోలీ సేల్’ను ప్రకటించాయి. ఈ ప్రత్యేక సేల్లో భాగంగా విమాన టికెట్లపై భారీ తగ్గింపులను అందిస్తూ ప్రయాణికులకు ఊరటనిస్తున్నాయి.
Read Also: US Iran War: ఇరాన్ యుద్ధానికి ₹18.8 లక్షల కోట్లు..
ఎయిరిండియా ఎక్స్ప్రెస్ ఆఫర్ వివరాలు: ఎయిరిండియా ఎక్స్ప్రెస్ అందిస్తున్న ఈ హోలీ సేల్లో ప్రయాణికులు ‘HOLISALE’ అనే ప్రోమో కోడ్ను ఉపయోగించి తక్షణ తగ్గింపును పొందవచ్చు. ఈ ఆఫర్ కింద దేశీయ విమాన ప్రయాణాలపై (Domestic) ఫ్లాట్గా రూ.350, అంతర్జాతీయ ప్రయాణాలపై (International) రూ.500 వరకు డిస్కౌంట్ లభిస్తుంది. ఈ నెల 5వ తేదీలోపు టికెట్లు బుక్ చేసుకున్న వారు, 2026 ఫిబ్రవరి 28 నుండి ఏప్రిల్ 30 మధ్య కాలంలో ఎప్పుడైనా ప్రయాణించవచ్చు. ముఖ్యంగా నెట్ బ్యాంకింగ్ ద్వారా టికెట్లు బుక్ చేసుకుంటే కన్వీనియన్స్ ఫీజు మినహాయింపు ఉంటుందని సంస్థ వెల్లడించింది.
రూ.3000 వరకు ఆదా చేసుకునే అవకాశం
ఎయిరిండియాలో రూ.3,000 వరకు ఆదా: మరోవైపు, ఎయిరిండియా సైతం ప్రయాణికులకు భారీ ఆఫర్ను ప్రకటించింది. ఈ సంస్థ ద్వారా టికెట్లు బుక్ చేసుకునే వారు గరిష్ఠంగా రూ.3,000 వరకు ఆదా చేసుకునే వెసులుబాటు ఉంది. ఇందుకోసం కూడా ‘HOLISALE’ కోడ్ను ఉపయోగించాల్సి ఉంటుంది. మార్చి 5వ తేదీలోపు బుక్ చేసుకునే వన్-వే లేదా రౌండ్ ట్రిప్ ప్రయాణాలకు (బేస్ ఫేర్పై) ఈ డిస్కౌంట్ వర్తిస్తుంది. అయితే, ఈ ఆఫర్ గ్రూప్ బుకింగ్స్కు వర్తించదని, బుకింగ్ విలువను బట్టి డిస్కౌంట్ మొత్తం మారుతుందని స్పష్టం చేసింది.
ముఖ్య గమనిక: ఈ రెండు ఆఫర్లు కూడా ఎయిర్లైన్స్ అధికారిక వెబ్సైట్లు లేదా మొబైల్ యాప్ల ద్వారా బుక్ చేసుకున్నప్పుడు మాత్రమే వర్తిస్తాయి. ఇవి పరిమిత కాల ఆఫర్లు కావడంతో ‘ఫస్ట్ కమ్ ఫస్ట్ సర్వ్’ (ముందుగా వచ్చిన వారికి ప్రాధాన్యం) ప్రాతిపదికన సీట్లు కేటాయించబడతాయి. కాబట్టి హోలీ పండుగకు ఊళ్లకు వెళ్లాలనుకునే వారు లేదా ట్రిప్ ప్లాన్ చేసుకునే వారు ఈ అవకాశాన్ని త్వరగా సద్వినియోగం చేసుకోవడం మంచిది.
Read hindi news: hindi.vaartha.com
Epaper: epaper.vaartha.com
Read Also:
