Andhra pradesh: అమరావతిలో విద్యా ప్రమాణాలను పెంచే లక్ష్యంతో డీఏవీ సంస్థ అడుగులు వేస్తోంది. నెక్కల్లు ప్రాంతంలో మూడు ఎకరాల విస్తీర్ణంలో శాశ్వత భవన నిర్మాణం చేపట్టనున్నారు. ప్రస్తుతం తుళ్లూరులోని తాత్కాలిక ప్రాంగణంలో తరగతులు ప్రారంభం కానున్నాయి. 2026-2027 విద్యా సంవత్సరానికి సంబంధించి నర్సరీ నుండి ఐదో తరగతి వరకు ప్రవేశాలు కల్పిస్తున్నారు. ఈ స్కూల్ ఏర్పాటులో స్థానిక నాయకులు మరియు రైతుల సహకారం ఎంతో ఉందని ప్రతినిధులు తెలిపారు.
Read also: Rajahmundry crime: ఆరుకు చేరిన కల్తీపాల మృతులు.. పలువురి ఆరోగ్యం విషమం
DAV School Admissions Begin in Amaravati
ఫీజుల వివరాలు
ఈ పాఠశాలలో ఫీజులు అందరికీ అందుబాటులో ఉండేలా నిర్ణయించారు. నర్సరీ నుండి యూకేజీ వరకు ఏడాదికి రూ.30,000, ప్రాథమిక తరగతులకు రూ.35,000 నుండి రూ.40,000 వరకు ఫీజు ఉంటుంది. అడ్మిషన్ల సమయంలో మొదటగా అమరావతి రైతులు మరియు రైతు కూలీల పిల్లలకే మొదటి అవకాశం ఇస్తారు. మిగిలిన సీట్లను ఇతర విద్యార్థులకు కేటాయిస్తారు. తక్కువ ఖర్చుతో నాణ్యమైన ఇంగ్లీష్ మీడియం చదువు చదివించేందుకు ఇదొక మంచి వేదిక.
విలువలతో కూడిన ఆధ్యాత్మిక విద్యాబోధన
కేవలం పుస్తక జ్ఞానమే కాకుండా విద్యార్థుల్లో ఆధ్యాత్మికతను పెంపొందించడం డీఏవీ ప్రత్యేకత. పాఠశాలలో ప్రతిరోజూ వేద పారాయణం, హోమాలు మరియు భగవద్గీత పఠనం చేయిస్తారు. అనుభవజ్ఞులైన ఉపాధ్యాయుల పర్యవేక్షణలో పిల్లల సర్వతోముఖాభివృద్ధికి ఇక్కడ ప్రాధాన్యత లభిస్తుంది. ఆధునిక విజ్ఞానాన్ని, భారతీయ సంస్కృతిని మేళవించి అందించే ఈ విద్యా విధానం పిల్లల భవిష్యత్తుకు బలమైన పునాది వేస్తుంది.
Read hindi news: hindi.vaartha.com
Epaper: epaper.vaartha.com
Read Also:
