Balakrishna : బాలకృష్ణ మూవీ లో మంచు హీరో ?

నందమూరి బాలకృష్ణ మరియు మంచు కుటుంబం మధ్య ఉన్న విడదీయలేని అనుబంధం ఇప్పుడు వెండితెరపై మరో క్రేజీ కాంబినేషన్‌కు దారితీస్తోంది. గతంలో మంచు మనోజ్ నిర్మించిన ‘ఊ కొడతారా – ఉలిక్కి పడతారా’ చిత్రంలో బాలయ్య పారితోషికం తీసుకోకుండా కీలక పాత్ర పోషించి తన పెద్దరికాన్ని చాటుకున్నారు. ఇప్పుడు అదే బాటలో, బాలకృష్ణ – గోపీచంద్ మలినేని కాంబినేషన్‌లో తెరకెక్కుతున్న భారీ చిత్రంలో మంచు మనోజ్ ఒక పవర్‌ఫుల్ పాత్రలో నటించబోతున్నట్లు ఫిలిం నగర్ వర్గాల్లో బలంగా వినిపిస్తోంది. ఇప్పటికే ‘మిరాయ్’ చిత్రంలో విలన్‌గా మెప్పించిన మనోజ్, ఈ సినిమాలో కూడా నెగిటివ్ షేడ్స్ ఉన్న ఒక విలక్షణమైన క్యారెక్టర్‌ను పోషించబోతున్నారని సమాచారం. దర్శకుడు గోపీచంద్ మలినేని ఇటీవల మనోజ్‌కు కథను వివరించగా, పాత్రలోని వెయిటేజ్ నచ్చి ఆయన వెంటనే గ్రీన్ సిగ్నల్ ఇచ్చినట్లు తెలుస్తోంది.

CM Chandrababu: రైతులకు పట్టాదారు పాసుపుస్తకాల పంపిణీ!

నయనతార కథానాయికగా నటిస్తున్న ఈ ప్రతిష్టాత్మక చిత్రం ఈ నెలలోనే సెట్స్ పైకి వెళ్లే అవకాశం ఉంది. బాలకృష్ణ మార్క్ మాస్ యాక్షన్ ఎలిమెంట్స్‌కు తోడు మంచు మనోజ్ లాంటి ఎనర్జిటిక్ నటుడు తోడైతే స్క్రీన్ ప్రెజెన్స్ నెక్స్ట్ లెవల్‌లో ఉంటుందని అభిమానులు ఆశిస్తున్నారు. గోపీచంద్ మలినేని తన సినిమాల్లో విలన్లను చాలా పవర్‌ఫుల్‌గా చూపిస్తుంటారు, కాబట్టి మనోజ్ పాత్ర బాలయ్యకు ధీటుగా ఉంటుందని ఇండస్ట్రీ వర్గాలు అంచనా వేస్తున్నాయి. అన్ని పనులు సకాలంలో పూర్తి చేసి, ఈ చిత్రాన్ని దసరా కానుకగా విడుదల చేసేందుకు చిత్ర యూనిట్ ప్రణాళికలు సిద్ధం చేస్తోంది. త్వరలోనే ఈ కాంబినేషన్‌పై అధికారిక ప్రకటన వెలువడే అవకాశం ఉంది, ఇది మంచు మనోజ్ సెకండ్ ఇన్నింగ్స్‌కు పెద్ద ప్లస్ అవుతుందని విశ్లేషకులు భావిస్తున్నారు.