Amazon data center issue : పశ్చిమాసియాలో ఉద్రిక్త పరిస్థితులు నెలకొన్న వేళ టెక్ దిగ్గజం Amazon కు చెందిన డేటా సెంటర్లలో సాంకేతిక అంతరాయాలు తలెత్తడం చర్చనీయాంశమైంది. యూఏఈ, బహ్రెయిన్లోని Amazon Web Services (AWS) క్లౌడ్ యూనిట్లలో సేవలు తాత్కాలికంగా నిలిచిపోవడంతో వేలాది వ్యాపార సంస్థలు ప్రభావితమయ్యాయి.
ప్రాథమిక సమాచారం ప్రకారం యూఏఈలోని ఒక డేటా సెంటర్ సమీపంలో అనుమానాస్పద ఘటన చోటుచేసుకుని మంటలు చెలరేగినట్లు తెలుస్తోంది. అగ్నిమాపక సిబ్బంది మంటలను అదుపులోకి తీసుకువచ్చినా, విద్యుత్ సరఫరాలో అంతరాయం కలగడంతో క్లౌడ్ సేవలు దెబ్బతిన్నాయి. వినియోగదారులు ప్రత్యామ్నాయ రీజియన్లను వినియోగించాలని AWS సూచించింది.
Read Also: Majid Ebnelreza appointment : యుద్ధ వేళ ఇరాన్ నిర్ణయం, తాత్కాలిక రక్షణ మంత్రిగా మాజిద్
కొద్ది గంటల్లోనే బహ్రెయిన్లోనూ ఇలాంటి కనెక్టివిటీ సమస్యలు తలెత్తాయి. ఇదే సమయంలో ఇరాన్ డ్రోన్ దాడుల వార్తలు రావడంతో, ఈ ఘటనల వెనుక ఇరాన్ పాత్ర ఉండొచ్చనే ఊహాగానాలు జోరందుకున్నాయి. అయితే ఈ విషయంపై అమెజాన్ అధికారికంగా ఎలాంటి ధ్రువీకరణ ఇవ్వలేదు.
ఇటీవల అమెరికా రక్షణ వ్యవస్థలు క్లౌడ్ సాంకేతికతను వినియోగిస్తున్నాయన్న నివేదికల నేపథ్యంలో, ఇది ప్రతీకార చర్య కావచ్చనే విశ్లేషణలు వెలువడుతున్నాయి. అయితే దర్యాప్తు పూర్తయ్యే వరకు ఈ అంశంపై స్పష్టత రానుంది.
Read hindi news: hindi.vaartha.com
Epaper: epaper.vaartha.com
Read Also:
