Railway Jobs for Agniveers: భారత సైన్యం నుంచి పదవీ విరమణ పొందే సిబ్బందికి కేంద్ర ప్రభుత్వం తీపి కబురు అందించింది. సైన్యం నుంచి రిటైరయ్యే అగ్నివీర్లు, ఇతర సిబ్బందికి రెండో కెరీర్ను సులభతరం చేసేందుకు భారత సైన్యం, రైల్వే శాఖ సంయుక్తంగా “ఫ్రేమ్వర్క్ ఆఫ్ కోఆపరేషన్” (Framework of Cooperation) ఒప్పందాన్ని కుదుర్చుకున్నాయి. ఈ ఒప్పందం ద్వారా మాజీ సైనికులు తమ అనుభవాన్ని రైల్వే రంగంలో వినియోగించుకునేలా మార్గం సుగమం అయింది.
Read Also: Gold rate today : మళ్లీ ఎగబాకిన బంగారం ధర, తులం రేటు ఎంతంటే?
రిజర్వేషన్ల వారీగా ఉద్యోగాల కేటాయింపు
ఈ కొత్త ఫ్రేమ్వర్క్ ప్రకారం, రైల్వే శాఖ వివిధ స్థాయిల పోస్టుల్లో మాజీ సైనికులకు, అగ్నివీర్లకు ప్రత్యేక రిజర్వేషన్లను ఖరారు చేసింది. దీనివల్ల రాత పరీక్షలు, ఎంపిక ప్రక్రియలో వీరికి ప్రాధాన్యత లభిస్తుంది.
రిజర్వేషన్ల వివరాలు ఇలా ఉన్నాయి:
లెవెల్-2, ఆపై స్థాయి పోస్టుల్లో 5 శాతం రిజర్వేషన్.
మాజీ సైనికులు (Ex-Servicemen): * లెవెల్-1 పోస్టుల్లో 20 శాతం రిజర్వేషన్.
లెవెల్-2, ఆపై స్థాయి పోస్టుల్లో 10 శాతం రిజర్వేషన్.
రిటైర్డ్ అగ్నివీర్లు (Agniveers): * లెవెల్-1 పోస్టుల్లో 10 శాతం రిజర్వేషన్.
ఈ ఒప్పందంలో భాగంగా, తక్షణమే 5 వేల మందికి పైగా మాజీ సైనికులను కాంట్రాక్టు ప్రాతిపదికన ‘పాయింట్స్ మెన్’గా నియమించుకోనున్నట్లు రైల్వే శాఖ ప్రకటించింది. రెగ్యులర్ నియామకాలు పూర్తయ్యే వరకు ఖాళీలను భర్తీ చేసేందుకు ఈ చర్యలు చేపట్టారు. ఇందుకోసం ఇప్పటికే 9 రైల్వే డివిజన్లు, ఆర్మీ సంస్థలతో అవగాహన ఒప్పందాలు (ఎంఓయూ) కుదుర్చుకున్నాయి.
Read hindi news: hindi.vaartha.com
Epaper: epaper.vaartha.com
Read Also:
