Harish Rao Inspects Siddipet: రెవెన్యూ కార్యాలయానికి వచ్చే సామాన్య ప్రజలతో మర్యాదపూర్వకంగా వ్యవహరించాలని, అవినీతికి తావు లేకుండా పారదర్శకంగా సేవలు అందించాలని మాజీ మంత్రి, సిద్దిపేట ఎమ్మెల్యే హరీష్ రావు అధికారులను ఆదేశించారు. గురువారం జిల్లా కేంద్రంలోని సిద్దిపేట అర్బన్ తహశీల్దార్ కార్యాలయాన్ని ఆయన ఆకస్మికంగా సందర్శించారు. ఈ సందర్భంగా కార్యాలయ పనితీరును పరిశీలించి, అధికారులకు మరియు సిబ్బందికి పలు కీలక సూచనలు చేశారు.
Read also: VK Shashikala New Party: ‘చిన్నమ్మ’ కొత్త పార్టీ.. జెండాను ఆవిష్కరించిన శశికళ
ప్రజలను ఇబ్బంది పెట్టొద్దు
అనేక రకాల దరఖాస్తులు పెండింగ్లో ఉండడం వల్ల ప్రజలు కార్యాలయాల చుట్టూ తిరుగుతూ ఇబ్బందులు పడుతున్నారని హరీష్ రావు అసహనం వ్యక్తం చేశారు. ముఖ్యంగా కల్యాణ లక్ష్మి, షాదీ ముబారక్ వంటి సంక్షేమ పథకాల దరఖాస్తులను సాధ్యమైనంత త్వరగా పరిష్కరించి లబ్ధిదారులకు న్యాయం చేయాలని సూచించారు. వచ్చిన దరఖాస్తుదారులకు గౌరవం ఇవ్వాలని, వారి సమస్యలను ఓపికగా వినాలని స్పష్టం చేశారు.
Harish Rao Inspects Siddipet: పారదర్శకతకు ప్రాధాన్యం
ప్రభుత్వ సేవలు ప్రజలకు సత్వరమే అందాలని, ఎక్కడా జాప్యం జరగకూడదని హరీష్ రావు పేర్కొన్నారు. కార్యాలయంలో పారదర్శకతను పాటిస్తూ, ఎటువంటి ఫిర్యాదులకు తావు లేకుండా పనిచేయాలని అధికారులను కోరారు. ఈ కార్యక్రమంలో స్థానిక ప్రజాప్రతినిధులు మరియు రెవెన్యూ సిబ్బంది పాల్గొన్నారు.
hindi news: hindi.vaartha.com
Epaper: epaper.vaartha.com
Read Also:
