Lashkar-e-Taiba terror plot India: భారతదేశంలో భారీ విధ్వంసం సృష్టించేందుకు పాకిస్థాన్కు చెందిన లష్కరే తోయిబా (LeT) ఉగ్రవాద సంస్థ కుట్ర పన్నుతోందని ఇంటెలిజెన్స్ వర్గాలు హెచ్చరించాయి. దేశ రాజధాని ఢిల్లీలోని చారిత్రాత్మక ఎర్రకోట, రద్దీగా ఉండే చాందినీ చౌక్లోని ఒక ప్రముఖ ఆలయంతో పాటు దేశవ్యాప్తంగా ఉన్న కీలక దేవాలయాల సమీపంలో పేలుళ్లు జరపాలని ఉగ్రవాదులు పథకం వేసినట్లు సమాచారం అందింది. ఈ మేరకు భద్రతా సంస్థలు అన్ని రాష్ట్రాలను అప్రమత్తం చేశాయి.
Read Also: Asha Sharma Microsoft Gaming CEO: మైక్రోసాఫ్ట్ గేమింగ్ CEO గా భారత సంతతి చెందిన టెకీ
ఇస్లామాబాద్ మసీదు పేలుడుకు ప్రతీకారంగా దాడులు?
ఈ దాడుల కుట్ర వెనుక ఒక కీలక కారణం ఉన్నట్లు భద్రతా బలగాలు వెల్లడించాయి. ఫిబ్రవరి 6న పాకిస్థాన్ రాజధాని ఇస్లామాబాద్లోని ఒక మసీదులో జరిగిన బాంబు పేలుడుకు ప్రతీకారంగానే లష్కరే తోయిబా ఈ దాడులకు ప్లాన్ చేస్తోందని నిఘా వర్గాలకు ప్రాథమిక సమాచారం అందింది. మసీదుపై జరిగిన దాడికి భారత్పై విరుచుకుపడాలని ఉగ్రవాద మూకలు నిర్ణయించుకున్నట్లు తెలుస్తోంది.
ఐఈడీ (IED)లతో దాడులకు ప్లాన్.. హై అలర్ట్లో భద్రతా బలగాలు
ఉగ్రవాదులు ఈసారి ఇంప్రొవైజ్డ్ ఎక్స్ప్లోజివ్ డివైస్ (IED)ల ద్వారా జనసాంద్రత కలిగిన ప్రాంతాల్లో దాడులు చేయాలని చూస్తున్నట్లు సమాచారం. ముఖ్యంగా మతపరమైన స్థలాలు, చారిత్రాత్మక కట్టడాల వద్ద భద్రతా లోపాలను ఆసరాగా చేసుకుని విరుచుకుపడే అవకాశం ఉందని ఇంటెలిజెన్స్ హెచ్చరించింది. దీంతో ఢిల్లీ పోలీసులు మరియు పారామిలిటరీ దళాలు ఎర్రకోట, చాందినీ చౌక్ పరిసరాల్లో నిఘాను ముమ్మరం చేశాయి
Read hindi news: hindi.vaartha.com
Read Also Epaper : epaper.vaartha.com
Read Also:
