Bank jobs 2026: SBIలో 2,273 ఉద్యోగాలు.. రేపటితో గడువు ముగింపు

Bank jobs 2026: భారతదేశంలోని అతిపెద్ద పబ్లిక్ సెక్టార్ బ్యాంక్ అయిన (SBI) తాజాగా 2,273 సర్కిల్ బేస్డ్ ఆఫీసర్ (CBO) పోస్టులకు నోటిఫికేషన్ విడుదల చేసింది. ఈ నియామక ప్రక్రియకు దరఖాస్తుల చివరి తేదీ ఫిబ్రవరి 18గా నిర్ణయించారు. తెలుగు రాష్ట్రాలైన ఆంధ్రప్రదేశ్, తెలంగాణకు కలిపి మొత్తం 181 ఖాళీలు కేటాయించబడ్డాయి. బ్యాంకింగ్ రంగంలో స్థిరమైన ఉద్యోగం కోరుకునే అభ్యర్థులకు ఇది మంచి అవకాశం. ప్రభుత్వ బ్యాంకులో కెరీర్ ప్రారంభించాలని భావిస్తున్నవారు ఈ అవకాశాన్ని వినియోగించుకోవాలి.

అర్హతలు, ఎంపిక విధానం, వేతనం

అభ్యర్థులు గుర్తింపు పొందిన విశ్వవిద్యాలయం నుంచి ఏదైనా విభాగంలో డిగ్రీ పూర్తి చేసి ఉండాలి. స్థానిక భాషపై స్పష్టమైన పట్టు ఉండటం తప్పనిసరి. ఎంపిక ప్రక్రియలో రాత పరీక్ష మరియు ఇంటర్వ్యూ ఉంటాయి. తుది ఎంపికైన వారికి నెలకు రూ.48,480 నుండి రూ.85,590 వరకు వేతనం అందుతుంది. ఉద్యోగ భద్రత, ప్రోత్సాహకాలు, ప్రమోషన్ అవకాశాలు వంటి ప్రయోజనాలు కూడా లభిస్తాయి.