Andhra pradesh: ఇంటర్ హాల్‌టికెట్లు విడుదల.. విద్యార్థులకు కీలక

ఆంధ్రప్రదేశ్(Andhrapradesh) ఇంటర్మీడియట్ పబ్లిక్ పరీక్షలకు సంబంధించిన హాల్‌టికెట్లు విడుదలయ్యాయి. విద్యార్థులు అధికారిక వెబ్‌సైట్ bie.ap.gov.in ద్వారా లేదా మన మిత్ర వాట్సాప్ సేవ (9552300009) ద్వారా హాల్‌టికెట్లు డౌన్‌లోడ్ చేసుకోవచ్చని ఇంటర్ విద్యామండలి కార్యదర్శి రంజిత్ బాషా వెల్లడించారు. కాలేజీల ప్రిన్సిపాళ్లు వెంటనే హాల్‌టికెట్లు డౌన్‌లోడ్ చేసి విద్యార్థులకు పంపిణీ చేయాలని సూచించారు. ఫీజు బకాయిల పేరుతో హాల్‌టికెట్లు ఇవ్వకుండా నిరాకరించరాదని స్పష్టమైన ఆదేశాలు జారీ చేశారు.

ఇంటర్ పరీక్షల షెడ్యూల్ వివరాలు

ఈ ఏడాది ఇంటర్మీడియట్ పబ్లిక్ పరీక్షలు ఫిబ్రవరి 23 నుంచి ప్రారంభమై మార్చి 24 వరకు కొనసాగనున్నాయి. అన్ని జిల్లాల్లో ఒకే సమయంలో పరీక్షలు నిర్వహించేందుకు అధికారులు ఏర్పాట్లు పూర్తి చేశారు. విద్యార్థులు హాల్‌టికెట్‌లో పేరు, రోల్ నంబర్, పరీక్ష కేంద్రం, తేదీలను ముందుగానే పరిశీలించుకోవాలని సూచించారు. తప్పులుంటే వెంటనే కాలేజ్ యాజమాన్యం లేదా బోర్డు అధికారులకు తెలియజేయాలని తెలిపారు.