పుట్టపర్తిలో ట్రిపుల్ ఐటి ప్రతిపాదన లేదన్న మంత్రి లోకేష్
జయవాడలో జరుగుతున్న ఏపీ అసెంబ్లీ బడ్జెట్ సమావేశాల రెండో రోజు చర్చలు ఆసక్తికరంగా సాగాయి. సభ ప్రారంభంలో స్పీకర్ Chintakayala Ayyanna Patrudu ప్రశ్నోత్తరాలను ప్రారంభించారు. పుట్టపర్తిలో ఐఐఐటీ ఏర్పాటు అంశాన్ని ఎమ్మెల్యే వల్లె సింధూరరెడ్డి లేవనెత్తగా, ఒంగోలు ఐఐఐటీ తాత్కాలిక క్యాంపస్ కారణంగా విద్యార్థులు ఇడుపులపాయ–ఒంగోలు మధ్య ప్రయాణ ఇబ్బందులు ఎదుర్కొంటున్నారని వివరించారు. దీనికి సమాధానంగా మంత్రి Nara Lokesh పుట్టపర్తిలో కొత్త ఐఐఐటీ ప్రతిపాదన లేదని స్పష్టం చేశారు. అలాగే Adikavi Nannaya University పరిధిలో అక్రమాలపై వచ్చిన ఆరోపణలపై వివరాలు అందిస్తే చర్యలు తీసుకుంటామని తెలిపారు.
Read also: Andhra Pradesh: విద్యాసంస్థల్లో వసతుల ప్రతిపాదనలు: మంత్రి లోకేశ్
Interesting question and answer session
స్థానిక సంస్థలు, విద్యా వసతుల అభివృద్ధిపై చర్చ
పుత్తూరు పురపాలక సంస్థ చైర్మన్ తప్పుడు కుల ధ్రువీకరణపై సభ్యుల ప్రశ్నలకు మంత్రి Ponguru Narayana సమాధానం ఇచ్చారు. సంబంధిత చైర్మన్ను ఇప్పటికే తొలగించినట్లు వెల్లడించారు. గత ప్రభుత్వంలో స్థానిక ఎన్నికల నిర్వహణపై కూడా సభలో విమర్శలు వినిపించాయి. ఇదే సమయంలో విజయవాడ సెంట్రల్ నియోజకవర్గంలోని పాయకాపురం ప్రభుత్వ జూనియర్ కాలేజీని డిగ్రీ కాలేజీగా అప్గ్రేడ్ చేయాలని డిమాండ్ వచ్చింది. సుమారు రూ.15 కోట్లతో అదనపు భవన నిర్మాణం చేస్తే వేలాది పేద విద్యార్థులకు లాభం చేకూరుతుందని సభ్యులు పేర్కొన్నారు. ఇప్పటికే కాలేజీ ప్రహరీ గోడ నిర్మాణానికి రూ.20 లక్షలు కేటాయించి పనులు పూర్తి చేసినట్టు మంత్రి నారా లోకేశ్ తెలిపారు.
జగ్గయ్యపేటలో సాగునీటి సమస్యపై ఆందోళన
జగ్గయ్యపేట నియోజకవర్గంలో తీవ్రంగా నెలకొన్న సాగునీటి సమస్యను ఎమ్మెల్యే శ్రీరామ్ రాజగోపాల్ జీరో అవర్లో ప్రస్తావించారు. బోనకల్లు బ్రాంచ్ కాల్వపై ఆధారపడి ఉన్న వత్సవాయి, వీర్లపాడు, నందిగామ మండలాల్లో వేల ఎకరాలు నీటి కొరతతో నష్టపోతున్నాయని చెప్పారు. కాల్వ సామర్థ్యం 1350 క్యూసెక్కులు అయినప్పటికీ ప్రస్తుతం 900 క్యూసెక్కులు మాత్రమే విడుదల అవుతున్నాయని వెల్లడించారు. దీంతో వత్సవాయి ప్రాంతానికి తగిన నీరు చేరక రైతులు ఇబ్బందులు పడుతున్నారని సభ దృష్టికి తీసుకువచ్చారు. ప్రభుత్వం తక్షణ చర్యలు తీసుకోవాలని సభ్యులు కోరారు.
Read hindi news: hindi.vaartha.com
Epaper: epaper.vaartha.com
Read Also:
