Income Tax: పాన్ కార్డు లేకపోతే ఫారం 60/61 తప్పనిసరి

పాన్ కార్డు లేని వ్యక్తులు నిర్దేశిత ఆర్థిక లావాదేవీలు చేయాలంటే ఫారం 60 లేదా ఫారం 61 సమర్పించడం తప్పనిసరి అని ఆదాయపు పన్ను నిపుణులు(Income Tax) స్పష్టం చేస్తున్నారు. ఈ నిబంధన ద్వారా పన్ను ఎగవేతలను అడ్డుకోవడం, లావాదేవీలను ట్రాక్ చేయడం లక్ష్యంగా పెట్టుకున్నట్లు అధికారులు తెలిపారు.

ప్రధానంగా రూ.50,000కు మించిన నగదు డిపాజిట్లు, స్థిరాస్తి కొనుగోలు లేదా విక్రయాలు, వాహనాల కొనుగోలు, ఫిక్స్‌డ్ డిపాజిట్లు, విదేశీ కరెన్సీ మార్పిడి, జీవిత బీమా ప్రీమియం చెల్లింపులు వంటి లావాదేవీలకు ఫారం 60 వర్తిస్తుందని పేర్కొన్నారు. పాన్ లేని సంస్థలు లేదా వ్యక్తులు ఫారం 61 సమర్పించాల్సి ఉంటుందని అధికారులు వివరించారు. ఈ ఫారాల్లో తప్పు సమాచారం ఇవ్వడం లేదా ఆదాయ వివరాలను దాచడం తీవ్రమైన నేరంగా పరిగణిస్తారని నిపుణులు హెచ్చరిస్తున్నారు. అటువంటి(Income Tax) సందర్భాల్లో భారీ జరిమానాలు, చట్టపరమైన చర్యలు ఎదుర్కోవాల్సి ఉంటుందని తెలిపారు.

ఇక పన్ను వ్యవస్థను మరింత సమర్థవంతంగా మార్చేందుకు కేంద్ర ప్రత్యక్ష పన్నుల బోర్డు (CBDT) కీలక సంస్కరణలు చేపడుతోంది. పెండింగ్‌లో ఉన్న పన్ను కేసులను తగ్గించడం, అసెస్‌మెంట్ మరియు పెనాల్టీ ప్రక్రియలను ఏకీకృతం చేయడం ద్వారా పన్ను చెల్లింపుదారులకు సులభతరం చేయనున్నట్లు CBDT చైర్మన్ రవి అగర్వాల్ వెల్లడించారు. ఈ మార్పులతో పన్ను చెల్లింపుదారులకు వేగవంతమైన సేవలు అందుతాయని, పన్ను పరిపాలనలో పారదర్శకత పెరుగుతుందని అధికారులు ఆశాభావం వ్యక్తం చేస్తున్నారు.

Read hindi news : hindi.vaartha.com

Epaper : epapervaartha.com