KCR SIT inquiry : కల్వకుంట్ల చంద్రశేఖర్ రావు పై ప్రత్యేక దర్యాప్తు బృందం (SIT) విచారణకు సంబంధించి రాజకీయ వాతావరణం తెలంగాణలో వేడెక్కింది. విచారణ పేరుతో మాజీ ముఖ్యమంత్రిని ఉద్దేశపూర్వకంగా వేధిస్తున్నారని ఆరోపిస్తూ భారత రాష్ట్ర సమితి రాష్ట్రవ్యాప్త నిరసనలకు పిలుపునిచ్చింది. పార్టీ వర్కింగ్ ప్రెసిడెంట్ కల్వకుంట్ల తారక రామారావు కార్యకర్తలు శాంతియుతంగా ఆందోళనలు చేపట్టాలని సూచించారు. ప్రతి గ్రామంలో ప్రభుత్వ తీరును నిరసిస్తూ దిష్టిబొమ్మలు దగ్ధం చేయడం, పట్టణాల్లో బైక్ ర్యాలీలు, నల్లజెండాలతో నిరసనలు చేపట్టాలని పిలుపునిచ్చారు.
Read Also:ఈ నెల 11 నుంచి ఏపీ అసెంబ్లీ సమావేశాలు, 14న బడ్జెట్
అయితే ఎట్టి పరిస్థితుల్లోనూ పోలీసులతో ఘర్షణలకు దిగవద్దని, చట్టబద్ధంగా నిరసనలు తెలియజేయాలని కేటీఆర్ స్పష్టం చేశారు. మాజీ మంత్రులు, ప్రజాప్రతినిధులు, పార్టీ సీనియర్ నాయకులు ఈ ఆందోళనల్లో పాల్గొనాలని కోరారు. ఇదిలా ఉండగా, కేసీఆర్ న్యాయ నిపుణులతో చర్చించిన అనంతరం నందినగర్లోని తన నివాసంలోనే సిట్ విచారణకు హాజరు కానున్నారు. ఈ పరిణామంతో రాష్ట్ర రాజకీయాలు మరింత ఉత్కంఠభరితంగా మారాయి.
Read hindi news: hindi.vaartha.com
Read Also Epaper : epaper.vaartha.com
Read Also:
