సాధారణంగా కోడిగుడ్లు తెలుపు లేదా గోధుమ రంగులోనే కనిపిస్తాయి. కానీ నల్లగా మారే కోడిగుడ్లు ఉంటాయని తెలుసా? ఇది నిజంగానే ప్రపంచంలో(Food Facts) ఉన్న ఓ ఆసక్తికరమైన వింత. జపాన్లోని ఓవాకుడాని (Owakudani) అనే ప్రాంతంలో ఈ అరుదైన అనుభవం కనిపిస్తుంది. సుమారు 3000 సంవత్సరాల క్రితం అగ్నిపర్వత విస్ఫోటనం కారణంగా ఏర్పడిన ఈ లోయలో ఇప్పటికీ అగ్నిపర్వత చలనం కొనసాగుతోంది. అందువల్ల అక్కడి చిన్న నీటి కొలనుల్లో వేడి నీరు, ఆవిరి నిరంతరం వెలువడుతుంటాయి.
Read Also: walking : రోజూ 30 నిమిషాల నడక .. మీ శరీరంలో జరిగే మార్పులు ఊహించలేరు..!
గుడ్లు నల్లగా మారడానికి కారణం ఇదే
ఈ వేడి నీటిలో కోడిగుడ్లను(Food Facts) ఉడికిస్తే, అవి పూర్తిగా నల్ల రంగులోకి మారిపోతాయి. ఈ గుడ్లను జపనీస్ భాషలో కురో-తమాగో అని పిలుస్తారు. వీటిని “జపనీస్ బ్లాక్ ఎగ్స్”గా కూడా అంటారు. ఈ మార్పుకు అసలు కారణం ఆ నీటిలో ఉన్న అధిక సల్ఫర్ శాతం. సల్ఫర్తో కూడిన వేడి నీరు గుడ్డు పెంకుతో ప్రతిచర్యకు లోనవడంతో పెంకు నల్లగా మారుతుంది. దీంతో గుడ్లకు ప్రత్యేకమైన సల్ఫర్ వాసన, కొంచెం భిన్నమైన రుచి వస్తుంది.
ఆయుష్షు పెరుగుతుందనే నమ్మకం
ఈ నల్ల గుడ్లను తింటే ఆయుష్షు 7 నుంచి 8 సంవత్సరాలు పెరుగుతుందనే నమ్మకం అక్కడి స్థానికులలో బలంగా ఉంది. ఈ విశ్వాసమే ఓవాకుడాని ప్రాంతాన్ని ప్రముఖ పర్యాటక కేంద్రంగా మార్చింది. ఈ వింతను ప్రత్యక్షంగా చూడటానికి, నల్ల గుడ్లను రుచి చూడటానికి ప్రపంచం నలుమూలల నుంచి పర్యాటకులు ఇక్కడికి తరలివస్తుంటారు.
Read hindi news : hindi.vaartha.com
Epaper : epapervaartha.com
Read Also:
