Nisha Verma US Senate : అమెరికా సెనేట్లో అబార్షన్ మాత్రల భద్రతపై జరిగిన విచారణ అనూహ్యంగా ‘బయోలాజికల్ జెండర్’ అంశంపై తీవ్ర చర్చకు దారి తీసింది. ఈ సందర్భంగా భారత సంతతికి చెందిన గైనకాలజిస్ట్ డాక్టర్ Nisha Verma కు రిపబ్లికన్ సెనేటర్ Josh Hawley వింత ప్రశ్నలు వేయడం ఇప్పుడు సోషల్ మీడియాలో వైరల్గా మారింది.
విచారణ సందర్భంగా డాక్టర్ నిషా వర్మ ‘pregnant people’ అనే పదాన్ని ఉపయోగించగా, దీనిపై సెనేటర్ హాలీ అభ్యంతరం తెలిపారు. “మీరు వ్యక్తులు అంటున్నారు అంటే… పురుషులు కూడా గర్భం దాల్చగలరని మీ ఉద్దేశమా?” అంటూ ఆయన పదేపదే ప్రశ్నించారు. ఈ ప్రశ్నలు రాజకీయ ఉద్దేశంతోనే వేయబడుతున్నాయని డాక్టర్ నిషా వర్మ స్పష్టం చేశారు.
దీనికి స్పందించిన ఆమె, “మీరు ఈ ప్రశ్నను ఏ ఉద్దేశంతో అడుగుతున్నారో నాకు స్పష్టంగా లేదు. నేను వివిధ గుర్తింపులు కలిగిన రోగులకు వైద్య సేవలు అందిస్తుంటాను” అని చెప్పారు. అయితే సెనేటర్ హాలీ వెనక్కి తగ్గకుండా, “ఇది రాజకీయ ప్రశ్న కాదు… ఇది కేవలం జీవశాస్త్ర వాస్తవం. అవును లేదా కాదు అని చెప్పండి” అంటూ పట్టుబట్టారు.
West Godavari: రూ.1.53 కోట్లతో భారీ కోడిపందెం?
దీనిపై డాక్టర్ నిషా వర్మ స్పందిస్తూ, (Nisha Verma US Senate) ఇటువంటి అవును/కాదు ప్రశ్నలు వైద్యశాస్త్రంలోని సంక్లిష్టతను విస్మరించి రాజకీయ ఆయుధాలుగా మారుతున్నాయని వ్యాఖ్యానించారు. దీనికి హాలీ తీవ్రంగా స్పందిస్తూ, “పురుషులు గర్భం దాల్చలేరనే ప్రాథమిక వాస్తవాన్ని అంగీకరించని సాక్ష్యాన్ని మేమెలా నమ్మాలి?” అని ప్రశ్నించారు.
డాక్టర్ నిషా వర్మ ఎవరు?
నార్త్ కరోలినాలో భారత వలస దంపతులకు జన్మించిన నిషా వర్మ, ప్రస్తుతం ప్రసూతి & గైనకాలజీ నిపుణురాలిగా పనిచేస్తున్నారు. ఆమె ‘Physicians for Reproductive Health’ సంస్థలో ఫెలోగా, అలాగే American College of Obstetricians and Gynecologistsలో సీనియర్ అడ్వైజర్గా ఉన్నారు. అదేవిధంగా Emory University School of Medicine లో అసిస్టెంట్ ప్రొఫెసర్గా సేవలందిస్తున్నారు.
అబార్షన్ మందుల భద్రతపై తన అనుభవాన్ని పంచుకుంటూ, ఇటీవల తాను కూడా అదే మందులు వాడినట్లు కమిటీకి వెల్లడించారు. ఈ ఘటనపై Elon Musk వంటి ప్రముఖులు కూడా స్పందిస్తూ, ఇలాంటి ప్రాథమిక ప్రశ్నలు అడగాల్సిన పరిస్థితి రావడం విచారకరమని వ్యాఖ్యానించారు.
Read hindi news: hindi.vaartha.com
Epaper: epaper.vaartha.com
Read Also:
