మెగాస్టార్ చిరంజీవి(Chiranjeevi Movie) కథానాయకుడిగా, సక్సెస్ఫుల్ డైరెక్టర్ అనిల్ రావిపూడి దర్శకత్వంలో రూపొందిన చిత్రం ‘మన శంకర వరప్రసాద్ గారు(Manashankara Varaprasad Garu)’. వరుస విజయాలతో దూసుకుపోతున్న అనిల్ రావిపూడి ఈ సినిమాను చేయడం, వెంకటేశ్ ప్రత్యేక పాత్రలో కనిపించడం, చిరంజీవి – నయనతార మధ్య సాగే రొమాంటిక్ టచ్తో రూపొందిన ‘మీసాల పిల్ల’ పాట భారీగా వైరల్ కావడంతో ఈ చిత్రంపై అంచనాలు భారీగా పెరిగాయి. సంక్రాంతి కానుకగా విడుదలైన ఈ సినిమా ప్రేక్షకులను ఎంతవరకు అలరించిందో చూద్దాం.
Read also: Rukmini Vasanth: ‘టాక్సిక్’ నుంచి రుక్కు ఫస్ట్ లుక్ రిలీజ్
కథ:
శివశంకర వరప్రసాద్ (చిరంజీవి) నేషనల్ సెక్యూరిటీ ఏజెన్సీలో కీలక అధికారి. అతని మాజీ భార్య శశిరేఖ (నయనతార) ప్రముఖ వ్యాపారవేత్త. తండ్రి జీవీఆర్ (సచిన్ ఖేడ్కర్) వ్యాపార వ్యవహారాల్ని ఆమె చూసుకుంటుంది. పరస్పర విభేదాల కారణంగా ప్రసాద్ – శశిరేఖ విడిపోయి దాదాపు పదేళ్లు గడిచిపోతాయి. పిల్లల్ని కూడా తనకు దూరం చేయడంతో ప్రసాద్ తీవ్రంగా బాధపడుతుంటాడు.
తన పిల్లలు నిక్కీ, విక్కీ చదువుతున్న పాఠశాలకు పీటీ టీచర్గా చేరిన ప్రసాద్, వాళ్లకు దగ్గర కావాలనే ప్రయత్నం చేస్తాడు. తక్కువ సమయంలోనే పిల్లల మనసు గెలుచుకుంటాడు. పిల్లల కోసమైనా మళ్లీ శశిరేఖకు చేరువ కావాలని నిర్ణయించుకుంటాడు. అయితే అతని ఈ ప్రయత్నాలకు ఆటంకాలు ఎదురవుతాయి. ఈ క్రమంలో ప్రసాద్ జీవీఆర్కు సెక్యూరిటీ ఆఫీసర్గా వారి ఇంట్లో అడుగుపెడతాడు.
అదే సమయంలో జైలు నుంచి విడుదలైన వీరేంద్ర పాండా (సుదేవ్ నాయర్) శశిరేఖ కుటుంబంపై పగబట్టి దాడులకు సిద్ధమవుతాడు. ప్రసాద్ తన కుటుంబాన్ని ఎలా కాపాడాడు? భార్యాభర్తల మధ్య ఉన్న గ్యాప్ తొలగుతుందా? వెంకీ గౌడ (వెంకటేశ్) పాత్ర కథలో ఎలాంటి మలుపు తిప్పుతుంది? అనేదే మిగిలిన కథ.
విశ్లేషణ:
అనిల్ రావిపూడి సినిమాల ప్రత్యేకత వినోదం. బరువైన కథలకన్నా తేలికపాటి కథనంతో, నిరంతరంగా నవ్వులు పంచడమే ఆయన మార్క్. ఈ చిత్రంలో కూడా అదే స్టైల్ను ఫాలో అయ్యారు. యాక్షన్ ఇమేజ్ ఉన్న చిరంజీవిని పూర్తి స్థాయి ఫ్యామిలీ ఎంటర్టైనర్లో చూపించడంలో ఆయన సక్సెస్ అయ్యారు.
చిరంజీవి కామెడీ టైమింగ్ సినిమాకు ప్రధాన బలం. వెంకటేశ్ పాత్ర ప్రత్యేక ఆకర్షణగా నిలిచింది. ఇద్దరి మధ్య వచ్చే సన్నివేశాలు ప్రేక్షకులకు ఫుల్ మీల్స్లా అనిపిస్తాయి. ఫస్ట్ హాఫ్ సరదాగా సాగితే, సెకండ్ హాఫ్లో ఎమోషన్తో పాటు యాక్షన్ కూడా పుష్కలంగా ఉంటుంది. అయితే విలన్ పాత్ర ఇంకాస్త బలంగా ఉంటే క్లైమాక్స్ మరింత ప్రభావవంతంగా ఉండేదన్న అభిప్రాయం కలుగుతుంది.
Read also: Azadi: ఆజాది (ఆహా) మూవీ రివ్యూ
సాంకేతిక అంశాలు & నటన:
చిరంజీవిని యంగ్ లుక్లో చూపించిన తీరు ఆకట్టుకుంటుంది. నయనతార గ్లామర్తో పాటు భావోద్వేగాల్ని కూడా బాగా పండించారు. వెంకటేశ్ తన స్టైలిష్ పెర్ఫార్మెన్స్తో సినిమాకు అదనపు ఎనర్జీని ఇచ్చారు. సమీర్ రెడ్డి కెమెరా వర్క్ సినిమాను రిచ్గా చూపించింది. భీమ్స్ సంగీతం మాస్ ఆడియన్స్కు బాగా కనెక్ట్ అవుతుంది. ఎడిటింగ్ క్లీన్గా ఉంది. కొన్ని డైలాగ్స్ ప్రేక్షకులను బాగా ఆకట్టుకుంటాయి.
ముగింపు:
‘మన శంకర వరప్రసాద్ గారు’ భారీ కథ కాదు. కానీ సంక్రాంతి పండుగకు కావాల్సిన నవ్వులు, ఫ్యామిలీ ఎమోషన్, స్టార్స్ సందడి అన్నీ ఉన్న పక్కా ఎంటర్టైనర్. మెగాస్టార్ అభిమానులతో పాటు ఫ్యామిలీ ఆడియన్స్కు మంచి ఆప్షన్.
Read hindi news: hindi.vaartha.com
Epaper: epaper.vaartha.com
Read Also:
