మనీలాండరింగ్ కేసుల్లో ఆరోపణలు ఎదుర్కొంటూ బ్రిటన్కు వెళ్లిన ఐపీఎల్ వ్యవస్థాపకుడు లలిత్ మోదీ తాజాగా చేసిన వ్యాఖ్యలపై భారత ప్రభుత్వానికి క్షమాపణలు చెప్పారు. ఇటీవల వ్యాపారవేత్త విజయ్ మాల్యా నిర్వహించిన ఒక కార్యక్రమంలో పాల్గొన్న లలిత్ మోదీ, తమను తాము “పలాయనవాదులు”గా పేర్కొంటూ చేసిన వ్యాఖ్యలు తీవ్ర దుమారం రేపాయి. ఈ వ్యాఖ్యలు తప్పుగా అర్థం చేసుకున్నారని వివరణ ఇచ్చిన ఆయన, భారత ప్రభుత్వంపై తనకు పూర్తి గౌరవం ఉందని స్పష్టం చేశారు. తన ఉద్దేశ్యం దేశాన్ని అవమానించడం కాదని, వ్యక్తిగత సంభాషణలో వచ్చిన మాటలేనని తెలిపారు.
Read also: Mining case: ఆరావళి పర్వతాలపై ఇచ్చిన ఆదేశాలను నిలిపివేసిన సుప్రీం
Lalit Modi backs down on controversial remarks
ఈ అంశంపై భారత విదేశాంగ మంత్రిత్వశాఖ తీవ్ర అభ్యంతరం వ్యక్తం చేసింది. దేశం నుంచి పారిపోయిన ఆర్థిక నేరస్తుల వ్యాఖ్యలను తేలికగా తీసుకోబోమని స్పష్టం చేసింది. లలిత్ మోదీ, విజయ్ మాల్యా కేసులకు సంబంధించి వారిని భారత్కు రప్పించేందుకు బ్రిటన్ ప్రభుత్వంతో చర్చలు కొనసాగుతున్నట్లు వెల్లడించింది. న్యాయపరమైన అన్ని మార్గాలను అనుసరిస్తూ, నిందితులను దేశానికి తీసుకువచ్చే ప్రయత్నాలు కొనసాగుతున్నాయని కేంద్ర ప్రభుత్వం స్పష్టం చేసింది. ఈ పరిణామం రాజకీయ, ఆర్థిక వర్గాల్లో చర్చనీయాంశంగా మారింది.
Read hindi news: hindi.vaartha.com
Epaper: epaper.vaartha.com
Read Also:
