అనంతపురం జిల్లాలోని పుట్లూరు మండలంలో గురువారం ఒక భయానక సంఘటన చోటుచేసుకుంది. పుట్లూరు నుండి చింతకుంట వైపు ప్రయాణిస్తున్న ఆర్టీసీ బస్సు నియంత్రణ కోల్పోయి రోడ్డు పక్కకు దూసుకెళ్లింది. ఈ ప్రమాదం చింతకుంట గ్రామ సమీపంలో చోటుచేసుకుంది. బస్సు స్టీరింగ్ ఒక్కసారిగా స్టక్ కావడంతో డ్రైవర్కు నియంత్రణ తప్పి బస్సు రోడ్డును దాటి బయటికి వెళ్లిందని ప్రత్యక్ష సాక్షులు తెలిపారు. అదృష్టవశాత్తూ బస్సు రోడ్డు పక్కన ఉన్న మైదానంలో ఆగిపోవడంతో పెద్ద ప్రమాదం తప్పింది.
Latest News: Bandi Sanjay: బండి సంజయ్ నుంచి టెన్త్ విద్యార్థులకు భారీ గిఫ్ట్!
ఈ బస్సులో ఎక్కువగా స్థానిక ఆదర్శ పాఠశాల, జడ్పీ పాఠశాల విద్యార్థులు ప్రయాణిస్తున్నారు. విద్యార్థులు స్కూల్కి వెళ్తుండగా ఈ ఘటన జరిగింది. ఒక్కసారిగా బస్సు అదుపు తప్పడంతో అందరూ భయంతో అరుస్తూ గందరగోళ పరిస్థితి నెలకొంది. కానీ డ్రైవర్ ధైర్యం కోల్పోకుండా సమయోచితంగా వ్యవహరించడం వల్లే పెద్ద ప్రమాదం నుంచి తప్పించుకున్నారని ప్రయాణికులు చెబుతున్నారు. ఘటన స్థలానికి స్థానిక పోలీసులు చేరుకుని వివరాలు సేకరించారు.
అదృష్టవశాత్తూ ఎవరికి ఎలాంటి గాయాలు కాలేదు. బస్సులో ఉన్న విద్యార్థులు, ప్రయాణికులు క్షేమంగా బయటపడ్డారు. అధికారులు వెంటనే మరో బస్సు ఏర్పాటు చేసి విద్యార్థులను గమ్యస్థానాలకు పంపించారు. ఈ ఘటనపై ఆర్టీసీ అధికారులు విచారణ ప్రారంభించారు. బస్సు సాంకేతిక లోపం కారణమా, లేక మానవ తప్పిదమా అనేది తెలుసుకునేందుకు పరిశీలిస్తున్నారు. ఈ సంఘటనతో స్థానికులు ఒక్కసారిగా షాక్కు గురయ్యారు. అయితే ప్రమాదం జరగకపోవడంతో తల్లిదండ్రులు, విద్యార్థులు ఊపిరి పీల్చుకున్నారు.
Read hindi news: https://hindi.vaartha.com
Epaper : https://epaper.vaartha.com/
