జీఎస్టీ సంస్కరణల తర్వాత వస్తువుల ధరలు తగ్గిన నేపథ్యంలో, ఆ రాయితీలు వినియోగదారులకు నిజంగా చేరుతున్నాయా లేదా అనేది పరిశీలించడానికి కేంద్ర ప్రభుత్వం కొత్త చర్యలు చేపట్టింది. వ్యాపారులు తగ్గిన ధరలకు అనుగుణంగా విక్రయాలు చేయకపోతే, ప్రజలు నేరుగా ఫిర్యాదు చేసే అవకాశాన్ని కల్పించింది. ఈ మేరకు సెంట్రల్ బోర్డ్ ఆఫ్ ఇన్డైరెక్ట్ ట్యాక్సెస్ అండ్ కస్టమ్స్ (సీబీఐసీ) ఒక ప్రకటన విడుదల చేసింది.
ప్రభుత్వం వినియోగదారుల కోసం ప్రత్యేక హెల్ప్లైన్ నంబర్లను అందుబాటులోకి తెచ్చింది. 1915 అనే టోల్ఫ్రీ నంబర్కు కాల్ చేయడం ద్వారా లేదా 88000 01915 అనే వాట్సాప్ నంబర్కు మెసేజ్ పంపడం ద్వారా ఫిర్యాదులు నమోదు చేయవచ్చు. అదనంగా, ప్రభుత్వ ఇంటిగ్రేటెడ్ గ్రీవెన్స్ రీడ్రెసల్ మెకానిజం (INGRAM) పోర్టల్ ద్వారా కూడా వినియోగదారులు తమ సమస్యలను తెలియజేయవచ్చు.
ఈ-కామర్స్ ధరలపై ప్రత్యేక పర్యవేక్షణ
ఇకపోతే, వినియోగదారులు ఎక్కువగా ఉపయోగించే 54 రకాల వస్తువుల ధరలపై కేంద్రం ప్రత్యేకంగా దృష్టి పెట్టింది. వీటిలో వెన్న, షాంపూ, టూత్పేస్ట్, ఐస్క్రీమ్, ఏసీ, టీవీ, సిమెంట్, గ్లూకోమీటర్ వంటి ఉత్పత్తులు ఉన్నాయి. ఈ వస్తువుల ధరల మార్పులను ప్రతినెలా సమీక్షించి నివేదిక సమర్పించాలని ఆర్థిక శాఖ జీఎస్టీ అధికారులకు ఆదేశాలు జారీ చేసింది. తొలి నివేదికను ఈ నెల 30లోపు సమర్పించాలని తెలిపింది.
ఇకపోతే, ఈ-కామర్స్(E-commerce) సంస్థలు కూడా తగ్గిన ధరలతో వస్తువులను విక్రయిస్తున్నాయా లేదా అనే అంశాన్ని ప్రభుత్వం పర్యవేక్షిస్తోంది. జీఎస్టీ రాయితీలు ప్రజలకు నేరుగా లభించేలా ఈ చర్యలు తీసుకుంటున్నట్లు అధికారులు స్పష్టం చేశారు.
జీఎస్టీ రాయితీలపై కేంద్రం ఎందుకు పర్యవేక్షిస్తోంది?
జీఎస్టీ కారణంగా తగ్గిన ధరల లాభాలు నేరుగా వినియోగదారులకు చేరుతున్నాయా లేదా అనేది నిర్ధారించుకోవడానికే కేంద్రం పర్యవేక్షిస్తోంది.
వ్యాపారులు అధిక ధరలు వసూలు చేస్తే వినియోగదారులు ఎలా ఫిర్యాదు చేయవచ్చు?
వినియోగదారులు 1915 టోల్ ఫ్రీ నెంబర్, 88000 01915 వాట్సాప్ నెంబర్ లేదా ఐఎన్జీఆర్ఏఎం (INGRAM) పోర్టల్ ద్వారా ఫిర్యాదు చేయవచ్చు.
Read hindi news: hindi.vaartha.com
Read Also:
