బాలీవుడ్ నటి సోనాక్షి సిన్హా తన కెరీర్లో ఎప్పుడూ ప్రత్యేకమైన ఇమేజ్ను కాపాడుకుంటూ ముందుకు సాగుతున్న స్టార్ హీరోయిన్. కానీ తాజాగా ఆమె వ్యక్తిగత గోప్యతను ఉల్లంఘించే సంఘటనలు చోటుచేసుకోవడంతో తీవ్ర ఆగ్రహం వ్యక్తం చేశారు.సోనాక్షి సోషల్ మీడియాలో వెల్లడించిన వివరాల ప్రకారం – కొన్ని ప్రముఖ ఈ–కామర్స్ సంస్థలు (commerce sites), ఆన్లైన్ షాపింగ్ వెబ్సైట్లు తమ వ్యాపార ప్రయోజనాల కోసం ఆమె ఫొటోలను అనుమతి లేకుండా వాడుకుంటున్నాయి. తమ ఉత్పత్తులను ప్రమోట్ చేసుకోవడానికి, ప్రకటనల్లో ఆమె ఫొటోలను పెట్టి వినియోగదారులను ఆకర్షించే ప్రయత్నం చేస్తున్నాయని ఆమె ఆరోపించారు.
వాణిజ్య ప్రకటనల కోసం వాడుకోవడం
తాను తరచుగా ఆన్లైన్లో షాపింగ్ చేస్తుంటానని, ఆ సమయంలో కొన్ని ప్రముఖ వెబ్సైట్లలో తన ఫొటోలను చూసి షాక్ అయినట్లు సోనాక్షి (Sonakshi Sinha) తెలిపారు. తన అనుమతి కానీ, కనీసం సమాచారం కానీ లేకుండా తన వ్యక్తిగత ఫొటోలను వాణిజ్య ప్రకటనల కోసం వాడుకోవడం నైతికంగా సరైంది కాదని ఆమె అన్నారు. “ఏదైనా డ్రెస్ లేదా ఆభరణం నచ్చితే, ఆ బ్రాండ్ వివరాలతో సోషల్ మీడియాలో పోస్ట్ పెడతాను. అంతమాత్రాన నా ఫొటోలను మీ వెబ్సైట్లో పెట్టుకుని వ్యాపారం చేసుకుంటానంటే అస్సలు ఊరుకోను. వెంటనే నా ఫొటోలు తొలగించండి, లేదంటే తీవ్ర పరిణామాలు ఎదుర్కోవాల్సి ఉంటుంది” అని తన పోస్టులో సోనాక్షి సిన్హా హెచ్చరించారు.
పలువురు నెటిజన్లు
సెలబ్రిటీల ఫొటోలను వారి అనుమతి లేకుండా వ్యాపారానికి వాడుకోవడం సరికాదంటూ సోనాక్షి తీసుకున్న ఈ స్టాండ్కు పలువురు నెటిజన్లు మద్దతు తెలుపుతున్నారు.ఇక సినిమాల విషయానికొస్తే, సోనాక్షి సిన్హా ఇటీవల ‘నికితా రాయ్’ అనే సైకలాజికల్ థ్రిల్లర్తో ప్రేక్షకులను పలకరించారు. ఆమె సోదరుడు ఖుష్ ఎన్ సిన్హా దర్శకత్వం వహించిన ఈ చిత్రంలో అర్జున్ రాంపాల్, పరేశ్ రావల్ కీలక పాత్రలు పోషించారు. గతేడాది విడుదలైన ‘హీరామండీ’ వెబ్సిరీస్తో కూడా సోనాక్షి మంచి గుర్తింపు తెచ్చుకున్నారు.
సోనాక్షి సిన్హా ఎవరు?
సోనాక్షి సిన్హా బాలీవుడ్ నటి. ఆమె ప్రముఖ నటుడు శత్రుఘ్న సిన్హా, పూనం సిన్హా కూతురు.
సోనాక్షి సిన్హా జననం ఎప్పుడు, ఎక్కడ జరిగింది?
సోనాక్షి సిన్హా 1987 జూన్ 2న ముంబై, మహారాష్ట్రలో జన్మించారు.
Read hindi news: hindi.vaartha.com
Read also:
