జపాన్(Japan)లోని ఓ పట్టణం స్మార్ట్ ఫోన్ (Smart Phone) వినియోగంపై పరిమితి విధించాలని భావిస్తోంది. పట్టణంలోని 69వేల మంది ప్రతిరోజు రెండుగంటలు మాత్రమే స్మార్ట్ ఫోన్ వినియోగించాలనే ప్రతిపాదన చేసింది. ఈ చర్య స్మార్ట్ ఫోన్ వ్యసనంపై తీవ్ర చర్చకు దారితీసింది. జపాన్లో ఈతరహా ప్రతిపాదన రావడం ఇదే తొలిసారి. ఈ వారంలో ఐచి ప్రాంతంలోని టయోకే (Toyoke) పట్టణ అధికారులు ఈ ప్రతిపాదనను సమర్పించగా, ప్రస్తుతం చట్టసభ సభ్యుల మధ్య చర్చ జరుగుతోంది. విద్య, పని ప్రదేశాలకు బయట మాత్రమే వర్తించే ఈ ప్రతిపాదనను కఠినంగా అమలుచేయబోమని టయోకే మేయర్ మసాఫూమి కోకి ఒక ప్రకటనలో పేర్కొన్నారు. కానీ ప్రజలు తమ స్మార్ట్ ఫోన్ ఉపయోగించే సమయాన్ని తగ్గించేలా ప్రోత్సహించడమే ఈ ప్రతిపాదన ఉద్దేశమని వెల్లడించారు.
అక్టోబర్లో అమల్లోకి వచ్చే అవకాశం
ఒకవేళ చట్టసభ సభ్యుల ఆమోదం పొందితే అక్టోబర్లో అమల్లోకి వచ్చే ఈ నియమాన్ని… ఎవరైనా ఉల్లంఘించినా ఎటువంటి జరిమానాలు ఉండవు. ”రెండు గంటల పరిమితి అనేది పౌరులను ప్రోత్సహించడానికి ఒక నిబంధన మాత్రమే” అని మేయర్ మసాఫూమి కోకిపేర్కొన్నారు. దీని అర్థం పౌరుల హక్కులను పరిమితం చేయడమో, బాధ్యతలను మోపడమో కాదని, బదులుగా ప్రతి కుటుంబం స్మార్ట్ ఫోన్లతో గడిపే సమయం, ఆ పరికరాలను ఉపయోగించే రోజువారీ సమయం గురించి చర్చించడానికి ఒక అవకాశం మాత్రమేనన్నారు.
ఫోన్ లేకుండా స్కూల్కు వెళ్లడం మానేస్తున్నారు
వంట చేస్తున్నప్పుడు లేదా వ్యాయామం చేస్తున్నప్పుడు వీడియోలు చూడటం, ఆన్లైన్లో కొత్త విషయాలు నేర్చుకోవడం, ఇ-స్పోర్ట్స్ కోసం తర్ఫీదు పొందడం వంటివి రెండు గంటల పరిమితిలోకి తీసుకోరని వెల్లడించారు. ”రోజువారీ జీవితంలో ఉపయోగకరమైనవి, అనివార్యమైనవి” గా స్మార్ట్ఫోన్లను తాను గుర్తించానని కోకి చెప్పారు. కానీ కొంతమంది విద్యార్థులు ఫోన్ లేకుండా ఇంటి నుంచి బయటకు వెళ్లడానికి నిరాకరిస్తున్నారని, స్కూల్కు వెళ్లడం మానేస్తున్నారని అన్నారు.
పెద్దలు కూడా కుటుంబంతో గడపలేకపోతున్నారు
పెద్దలు కూడా తమ ఫోన్లు, ట్యాబ్లను స్క్రోల్ చేస్తూ నిద్రను తగ్గించుకోవడం, కుటుంబంతో తగినంత సమయాన్ని గడపకపోవడం చేస్తున్నారని చెప్పారు. జపాన్ వార్తాసంస్థ మైనిచి వెల్లడించిన వివరాల ప్రకారం, ఈ ప్రతిపాదనపై 120మంది తమ అభిప్రాయాలను ఫోన్, ఈమెయిల్ ద్వారా అధికారవర్గానికి వెల్లడించారు. వీరిలో అత్యధిక మంది (80 శాతం) ఈ ప్రతిపాదన పట్ల అసంతృప్తితో ఉన్నారు. కొందరు ఈ బిల్లుకు మద్దతు పలికారు. ఈ ప్రతిపాదనపై పలువురు సోషల్ మీడియా వేదికగా తమ ఆవేదన వ్యక్తం చేశారని, ఓ యూజర్ ”రెండు గంటల్లో కనీసం ఒక పుస్తకం చదవలేరు. ఒక సినిమా చూడలేరు” అని రాశారని జపాన్ టైమ్స్ రాసింది.
మొదటి స్మార్ట్ ఫోన్ ఎప్పుడు లాంచ్ అయింది?
చరిత్రలో ఈరోజు: మొదటి స్మార్ట్ఫోన్, IBM సైమన్, నవంబర్ 23, 1992న లాంచ్ చేయబడింది
మొదటి స్మార్ట్ఫోన్ IBM సైమన్ పర్సనల్ కమ్యూనికేషన్, ఇది నవంబర్ 1992లో ప్రకటించబడింది మరియు 1994లో వినియోగదారులకు విడుదల చేయబడింది.
స్మార్ట్ఫోన్లు ఎప్పుడు ప్రాచుర్యం పొందాయి?
2000ల చివరిలో ఐఫోన్ మరియు Samsung Galaxy S వంటి ప్రత్యర్థి పరికరాల ప్రజాదరణ ఆధారంగా 2010ల ప్రారంభం నుండి మధ్యకాలం వరకు స్మార్ట్ఫోన్లు నిజంగా ప్రజాదరణ పొందాయి. హార్డ్వేర్, సెల్యులార్ నెట్వర్క్లు (ముఖ్యంగా 3G)లో పురోగతి మరియు యాప్ స్టోర్లు మరియు సోషల్ మీడియా పెరుగుదల, స్మార్ట్ఫోన్లను వేగంగా స్వీకరించడానికి ఆజ్యం పోశాయి మరియు వాటిని రోజువారీ జీవితంలో సర్వవ్యాప్త భాగంగా మార్చాయి.
