తెలంగాణ రాష్ట్రంలో ఎంబీఏ, ఎంసీఏ కోర్సుల్లో ప్రవేశాల కోసం నిర్వహించిన ఐసెట్ (ICET)-2025 పరీక్ష ఫలితాలు నేడు విడుదల కానున్నాయి. ఇవాళ మధ్యాహ్నం 3 గంటలకు అధికారికంగా ఫలితాలను విడుదల చేయనున్నట్టు పరీక్ష నిర్వాహకులు ప్రకటించారు. అభ్యర్థులు తమ ఫలితాలను తెలంగాణ ఉన్నత విద్యామండలి అధికారిక వెబ్సైట్ https://tgche.ac.in ద్వారా తెలుసుకోవచ్చు.
పరీక్షలకు హాజరైన అభ్యర్థుల వివరాలు
ఈ ఏడాది జూన్ 8, 9 తేదీలలో ఐసెట్ పరీక్షలు నిర్వహించబడ్డాయి. మొత్తం 71,757 మంది అభ్యర్థులు రిజిస్ట్రేషన్ చేసుకోగా, వారిలో 64,398 మంది పరీక్షలకు హాజరయ్యారు. పరీక్షలు కంప్యూటర్ బేస్డ్ టెస్ట్ (CBT) విధానంలో నిర్వహించబడ్డాయి. పరీక్ష సజావుగా నిర్వహించేందుకు అన్ని ఏర్పాట్లు చేపట్టినట్లు అధికారులు వెల్లడించారు.
వెబ్సైట్ ద్వారా ఫలితాల సమాచారం పొందండి
ఫలితాలు తెలుసుకోవాలనుకునే అభ్యర్థులు అధికారిక వెబ్సైట్లోకి వెళ్లి తమ హాల్ టికెట్ నంబర్ను నమోదు చేసి ఫలితాలను డౌన్లోడ్ చేసుకోవచ్చు. ఐసెట్ ఫలితాల ఆధారంగా అభ్యర్థులకు కౌన్సెలింగ్ మరియు సీటు కేటాయింపు ప్రక్రియ త్వరలో ప్రారంభమవుతుందని అధికార వర్గాలు తెలిపాయి. ఫలితాల తర్వాత వచ్చే దశల వివరాలు కూడా త్వరలోనే వెబ్సైట్లో పొందుపరచనున్నట్లు సమాచారం.
Read Also : KU Graduation Ceremony : నేడు కేయూ స్నాతకోత్సవం.. గవర్నర్ రాక
