మహారాష్ట్రకు తెలంగాణ రిక్వెస్ట్
తెలంగాణ విజప్తికి అంగీకారం
హైదరాబాద్: తెలంగాణలోని కవ్వాల్ ప్రాంతంలో ఉన్న పెద్ద పులుల అభయా రణ్యం (టైగర్ రిజర్వు ఫారెస్ట్)లో ప్రస్తుతం ఒక్క పులి కూడా లేకపోవడంతో మహారాష్ట్ర(Maharstra)లోని తాడోబా(Taadobaa) అభయారణ్యం నుంచి పులులను కవ్వాలు తీసుకు రానున్నారు. ప్రాజెక్ట్ టైగర్ (Project Tiger)పేరుతో రాష్ట్ర అటవీ శాఖ చేపట్టే ఈ ప్రాజెక్టుకు సహకరించేందుకు మహారాష్ట్ర అంగీకారం తెలిపింది. దీనిపై క్షేత్ర పరిశీలన కోసం నేషనల్ టైగర్ కన్జర్వేషన్ అథారిటీ (ఎన్ఐసిఎ) అధికారులు జులై తొలి వారంలో కవ్వాల్కు రానున్నారు. కవ్వాల్లో దట్టమైన అటవీ ప్రాంతం ఉంది. 13 ఏళ్ల కిందట ఇక్కడ అభయారణ్యం(Forest) ఏర్పాటు చేశారు. పులులు వేటాడి తినేందుకు జింకలు, సాంబర్, నీల్గాయి వంటి జంతువులు అక్కడ ఉన్నాయి. అడపాదడపా మహారాష్ట్రనుంచి కవ్వాల్కు ఒకటిరెండు పెద్దపులులు వస్తున్నా, ఒంటరితనంతో తిరిగి వెళ్లిపోతున్నాయి. దీనికి భిన్నంగా మహారాష్ట్రలో భారీసంఖ్యలో పులులు న్నాయి. ఆసిఫాబాద్కు సరిహద్దులో ఉన్న తాడోబా టైగర్ రిజర్వులో 40కి పైగా, ఆదిలాబాద్ పక్కనే ఉన్న ఇంద్రావతి నేషనల్ పార్కులో 20కి పైగా ఉన్నాయి.
ప్రజలు ఖాళీ చేసిన పాత గ్రామాల ప్రాంతానికి పెద్ద పులుల్ని తరలించనున్నారు.
ఈ నేపథ్యంతో అక్కడున్న పెద్ద పులులను ఇక్కడికి తరలించాలని తెలంగాణ అటవీశాఖ చీఫ్ వైల్డ్ లైఫ్ వార్డెన్ ఏలూసింగ్ మేరు, మహారాష్ట్ర చీఫ్ వైల్డైఫ్ వార్డెనన్ను ఇటీవల కోరగా సుముఖత తెలిపారు. తదుపరి అనుమతుల కోసం రాష్ట్ర అటవీ శాఖ ఎన్టీసీఏకు లేఖ రాసింది. మహారాష్ట్ర నుంచి కనీసం ఒక మగ పులి, రెండుఆడ పులులు సహా గరిష్ఠంగా 5 పులులు కావాలని రాష్ట్ర అటవీ శాఖ కోరినట్లు సమా చారం. రెండేళ్లు పైబడిన పులులు స్వతంత్రంగా సంచరిస్తాయి. అలాంటివే తమకు కావాలని మహారాష్ట్రను తెలంగాణ కోరింది.
పెద్దపులులకు ఆవాసం కోసం..
పెద్దపులులకు ఆవాసం కోసం కవ్వాల్ కోర్ ఏరి యా నుంచి మైసంపేట, రాంపూర్ ఊర్ల ప్రజలను 20 కి.మీ. దూరంలోని ప్రాంతానికి తరలించారు. ప్రజలు ఖాళీ చేసిన పాత గ్రామాల ప్రాంతానికి పెద్ద పులుల్ని తరలించనున్నా రు. ఒక అడవిలో ఎక్కువగా ఉండే పులుల్ని, వాటి సంఖ్య లేని మరో అరణ్యంలోకి తీసుకెళ్లడాన్ని టైగరీ లొకేషన్ అంటారు. గతంలో మధ్యప్రదేశ్లోని పన్నా టైగర్ రిజర్వులో ఇలాగే చేశారు. అక్కడ 2009 నాటికి ఒక్క పెద్దపులి కూడా లేదు. దీంతో అదే రాష్ట్రంలోని అడవుల నుంచి 4 పులులను పన్నా రిజర్వుకు తరలించగా, ప్రస్తుతం పన్నాలో పెద్ద పులుల సంఖ్య 50 దాటింది. అయితే కవ్వాల్ రిజ ర్వు ఫారెస్టు విస్తీర్ణం: 2015.39 చ.కిమీ. కాగా ఏర్పాటు 2012లో మంచిర్యాల, నిర్మల్, ఆదిలాబాద్, ఆసిఫాబాద్లకు విస్తరించింది.
Read Also: Rain Alert: తెలుగు రాష్ట్రాల్లో వచ్చే 3 రోజులు వర్షాలు
