ఎప్పుడూ ప్రజా కార్యక్రమాలతో ఉండే సీఎం చంద్రబాబు (Chandrababu) , ఈసారి తన వ్యక్తిగత సిబ్బందికి ప్రత్యేక గౌరవం చూపించారు. రాజకీయాలతో ఎంత బిజీగా ఉన్నా, తాను నిత్యం వ్యాయామానికి ఆశ్రయించే ఫిట్నెస్ ట్రైనర్ జోసఫ్ (Fitness trainer Joseph) గృహప్రవేశానికి స్వయంగా హాజరవ్వడం అందరికీ ఆశ్చర్యాన్ని కలిగించింది. ఈ హృద్య ఘటన తాడేపల్లిలోని అమరావతి ఐకాన్ అపార్ట్మెంట్లో ఆదివారం సాయంత్రం చోటుచేసుకుంది.జోసఫ్ తాడేపల్లి ఆశ్రమం రోడ్డులో కొత్తగా కొనుగోలు చేసిన ఫ్లాట్లో కుటుంబంతో కలిసి గృహప్రవేశ వేడుక నిర్వహించారు. ఈ వేడుకకు ముఖ్య అతిథిగా సీఎం చంద్రబాబు రావడం ఆయన కుటుంబానికి ప్రత్యేక సంతోషాన్ని కలిగించింది. సాయంత్రం 6:30 గంటల సమయంలో అపార్ట్మెంట్ వద్దకు చేరుకున్న చంద్రబాబు, మూడో అంతస్థులోని ఫ్లాట్కు వెళ్లి జోసఫ్ కుటుంబాన్ని ఆప్యాయంగా పలకరించారు.
శుభాకాంక్షలు తెలిపిన సీఎం
గృహప్రవేశ సందర్భంగా జోసఫ్కు శుభాకాంక్షలు తెలిపిన చంద్రబాబు, ఆయన కుటుంబ సభ్యులతో చర్చలు జరిపారు. సుమారు 10 నిమిషాలపాటు అక్కడే గడిపిన ఆయన, ఆత్మీయంగా మాట్లాడుతూ వారిలో ఆనందం నింపారు. అనంతరం రాత్రి 6:40కి తిరిగి బయలుదేరారు.అపార్ట్మెంట్కు సీఎం వచ్చారన్న వార్తతో అక్కడి వాతావరణం ఒక్కసారిగా మారిపోయింది. స్థానికులు, ముఖ్యంగా మహిళలు, పిల్లలు ఆయనను చూసేందుకు వచ్చారు. చాలామంది చంద్రబాబుతో సెల్ఫీలు తీసుకునేందుకు ప్రయత్నించారు. ప్రజలతో అలవోకగా మెలగే సీఎం, ఈసారి కూడా అందరినీ ఆకట్టుకున్నారు.
మానవతా దృక్పథానికి నిదర్శనం
పరిపాలనా ఒత్తిళ్ల మధ్య వ్యక్తిగత సిబ్బంది కుటుంబ వేడుకలకు సమయాన్ని కేటాయించడం చంద్రబాబు ప్రత్యేకత. తనతో కలిసి పనిచేసే వారికి ఆయన చూపించే మానవతా గుణం, సన్నిహితంగా మెలగడమే ఈ సంఘటన మరోసారి రుజువు చేసింది. జోసఫ్ కుటుంబం మాత్రం సీఎం వచ్చారని ఆనందంతో ఉప్పొంగిపోయారు.
Read Also : Anchor Swetcha : లొంగిపోయిన పూర్ణచందర్ : 14 రోజుల రిమాండ్
