ఇజ్రాయెల్-ఇరాన్(Israel-Iran)ల మధ్య ఉద్రిక్తతలు మరింత తీవ్రతరమవుతున్న వేళ అమెరికా అధ్యక్షుడు డొనాల్డ్ ట్రంప్(Donald Trump) కీలక వ్యాఖ్యలు చేశారు. ఇరాన్ సుప్రీం లీడర్ ఖమేనీ(Khameni) ఎక్కడ దాక్కున్నారో తమకు తెలుసని అన్నారు. అయితే ఖమేనీని లక్ష్యంగా చేసుకోవడం చాలా తేలిక అయినప్పటికీ, ప్రస్తుతానికి అతనిని చంపే ఉద్దేశం తమకు లేదని అన్నారు. తన సామాజిక మాధ్యమం ట్రూత్ సోషల్ వేదికగా స్పందించిన ట్రంప్, ఇరాన్ సుప్రీం లీడర్ ఖమేనీ బేషరతుగా లొంగిపోవాలని హెచ్చరికలు జారీచేశారు. ఆయన్ను లక్ష్యంగా చేయడం చాలా సులభమని పేర్కొన్నారు.కానీ ప్రస్తుతానికి చంపే ఉద్దేశం లేదని స్పష్టం చేశారు. ఇరాన్ క్షిపణి దాడులు సాగిస్తే మాత్రం సహించేది లేదన్నారు.
హెచ్చరికలు & హెచ్చరింపు
“ఇరాన్ సుప్రీం లీడర్ ఖమేనీ ఎక్కడ దాక్కున్నారో మాకు స్పష్టంగా తెలుసు. ఆయనను లక్ష్యంగా చేసుకోవడం మాకు చాలా తేలికైన విషయం. కానీ ప్రస్తుతానికి ఆయన్ను తొలగించే (చంపే) ఉద్దేశం మాకు ఏమాత్రం లేదు. అయితే పౌరులపై, అమెరికా సైనికులపై ఇరాన్ క్షిపణి దాడులు చేయడాన్ని సహించే ప్రసక్తే లేదు. వాస్తవానికి మా సహనం క్రమంగా నశిస్తోంది. కనుక ఇరాన్ సుప్రీం లీడర్ భేషరతుగా లొంగిపోవాలి.” ఇరాన్ గగనతలమంతా తమ నియంత్రణలోనే ఉందని డొనాల్డ్ ట్రంప్ పేర్కొన్నారు. ఇరాన్ వద్ద స్కై ట్రాకర్లు, గగనతల రక్షణ వ్యవస్థలు వద్ద ఉన్నాయని, అయినప్పటికీ వాటిని అమెరికా సాంకేతికతతో పోల్చుకోలేమని ట్రంప్ అన్నారు.
ఖమేనీ కుటుంబంతో బంకర్లో…?
మరోవైపు ఇరాన్ సైనిక స్థావరాలు, అణుశుద్ధి కేంద్రాలే లక్ష్యంగా ఇజ్రాయెల్ భీకర దాడులు చేస్తోంది. అందుకే ఇరాన్ సుప్రీం లీడర్ ఖమేనీని సురక్షిత ప్రాంతాలకు తరలించినట్లు తెలుస్తోంది. ఈశాన్య టెహ్రాన్లోని ఓ బంకర్లో కుటుంబంతో కలిసి ఖమేనీ తలదాచుకున్నట్లు సమాచారం. ఈ నేపథ్యంలోనే డొనాల్డ్ ట్రంప్ గట్టి హెచ్చరికలు చేశారు.
యుద్ధాన్ని ముగించడమే లక్ష్యం!
మరోవైపు ఇరాన్పై చేస్తున్న దాడులను ఇజ్రాయెల్ ప్రధాని నెతన్యాహు సమర్థించుకున్నారు. ఇరుదేశాల మధ్య సంఘర్షణను పెంచడం కంటే త్వరగా యుద్ధాన్ని ముగించడమే తమ లక్ష్యమని పేర్కొన్నారు. ఇరాన్ సుప్రీం లీడర్ ఖమేనీని హతమారిస్తేనే దీనికి ఓ ముగింపు ఉంటుందంటూ ఓ ఇంటర్వ్యూలో పేర్కొన్నారు. ఇదిలా ఉండగా, అంతకు ముందు ఇరాన్ సుప్రీం లీడర్ ఖమేనీని చంపేందుకు ఇజ్రాయెల్ పథకం రచించిందని, దీన్ని డొనాల్డ్ ట్రంప్ తిరస్కరించారనే వార్తలు కూడా వచ్చాయి. టెహ్రాన్ ఈశాన్యంలో గల సురక్షిత బంకర్లో ఖమేనీ ఉన్నట్లు సమాచారం
ఇజ్రాయెల్ దాడులు ఉధృతం కావడంతో తరలింపు, ఇరాన్ అణు కేంద్రాలే ప్రధాన లక్ష్యంగా మారాయి. ఇజ్రాయెల్ పూర్వపు హత్య యోచనను ట్రంప్ వ్యతిరేకించారని వార్తలు.
Read Also: Modi : ప్రధాని మోదీ G7కు రావడం గర్వకారణం – కెనడా ప్రధాని
