ఇంగ్లాండ్, భారత్ జట్ల మధ్య టెస్ట్ సిరీస్ జూన్ 20 నుంచి ప్రారంభం కానుంది. ఆగస్టు 4 వరకు జరిగే ఈ సిరీస్లో మొత్తం 5 టెస్ట్ మ్యాచ్లు జరగనున్నాయి. రికార్డుల పరంగా సచిన్ టెండూల్కర్(Sachin Tendulkar)తరచుగా అగ్రస్థానంలో కనిపిస్తున్నప్పటికీ భారత్, ఇంగ్లాండ్ మధ్య టెస్ట్ చరిత్రలో అత్యధిక పరుగులు చేసి టాప్-5 ఆటగాళ్ల గురించి తెలుసుకుందాం. ఈ జాబితాలో సచిన్ టెండూల్కర్ అగ్రస్థానంలో లేడు కానీ ఇంగ్లాండ్ ఆటగాడు సచిన్ కంటే పైన ఉన్నాడు.భారత్, ఇంగ్లాండ్ మధ్య జరిగిన టెస్ట్ మ్యాచ్లలో అత్యధిక పరుగులు చేసిన టాప్-5 బ్యాటర్లు వీరే,
జోరూట్: ఈ లెజెండరీ ఇంగ్లాండ్ బ్యాటర్ 2012 నుంచి 2024 వరకు భారత్పై మొత్తం 30 టెస్ట్ మ్యాచ్లు ఆడాడు. ఇందులో జో రూట్(Joe Root) 55 ఇన్నింగ్స్లలో 58.08 సగటుతో 2846 పరుగులు చేశాడు. ఈ కాలంలో జో రూట్ బ్యాట్ నుంచి 10 సెంచరీలు, 11 హాఫ్ సెంచరీలు వచ్చాయి.
సచిన్ టెండూల్కర్: 1990-2012 వరకు భారత్లోని ఈ గొప్ప బ్యాటర్ ఇంగ్లాండ్తో 32 టెస్ట్ మ్యాచ్లు ఆడి 51.73 సగటుతో మొత్తం 2535 పరుగులు చేశాడు. ఈ కాలంలో మాస్టర్-బ్లాస్టర్ 7 సెంచరీలు, 13 అర్థ శతకాలు సాధించాడు.
సునీల్ గవాస్కర్: ఈ జాబితాలో మాస్టర్-బ్లాస్టర్ రెండో స్థానంలో ఉండగా లిటిల్ మాస్టర్ మూడో స్థానంలో ఉన్నాడు. లెజెండరీ కెప్టెన్ సునీల్ గవాస్కర్(Sunil Gavaskar) 1971-1986 మధ్య ఇంగ్లాండ్తో 38 టెస్టులు ఆడాడు. ఈ కాలంలో సునీల్ గవాస్కర్ 4 సెంచరీలు, 16 హాఫ్ సెంచరీలు సాధించాడు. 38.20 సగటుతో 2483 పరుగులు చేశాడు.
అలిస్టర్ కుక్: ఈ మాజీ ఇంగ్లాండ్ కెప్టెన్ 2006 నుంచి 2018 వరకు భారత్తో 30 టెస్టులు ఆడాడు. ఈ సమయంలో అలిస్టర్ కుక్ 54 ఇన్నింగ్స్లలో 47.66 సగటుతో 2431 పరుగులు చేశాడు. కుక్ తన టెస్ట్ కెరీర్లో భారత్తో జరిగిన మ్యాచ్లో 7 సెంచరీలు, 9 హాఫ్ సెంచరీలు సాధించాడు.
విరాట్ కోహ్లీ: టెస్ట్ ఫార్మాట్ నుంచి రిటైర్ అయిన విరాట్ కోహ్లీ 2012-2022 మధ్య ఇంగ్లాండ్తో 28 టెస్టులు ఆడాడు. ఈ సమయంలో విరాట్ కోహ్లీ(Virat Kohli) 42.36 సగటుతో 1991 పరుగులు చేశాడు. ఈ జట్టుపై విరాట్ కోహ్లీ 5 సెంచరీలు, 9 హాఫ్ సెంచరీలు చేశాడు.
Read Also: French Open: ఫైనల్కు చేరిన అల్కరాస్, సినర్
