ఈ ఆధునిక జీవనశైలి కాలంలో, రోజూ మనలో చాలా మందికి మెడ నొప్పి (Neck Pain) సమస్య ఎదురవుతోంది. ముఖ్యంగా కంప్యూటర్ (Computer)ముందు ఎక్కువసేపు కూర్చునే ఉద్యోగు( employees)ల్లో,ఇలా జరగడం సర్వసాధారణంగా మారింది. దీన్ని చిన్నగా భావిస్తే, ఇది భవిష్యత్తులో తీవ్రమైన సమస్యలకూ దారితీయవచ్చు.
ఈ సమస్యకు కారణాలు
ముఖ్యంగా కంప్యూటర్ ముందు ఎక్కువసేపు కూర్చునే ఉద్యోగుల్లో ఈ నొప్పి సాధారణంగా కనిపిస్తుంది. కొందరికి తేలికపాటి నొప్పి ఉన్నా, మరికొందరికి అది తీవ్రంగా ఉండి పని చేయలేని స్థితికి దారి తీస్తుంది.
రోజూ చేసే పనులు, సరిగా లేని భంగిమ, ఎక్కువసేపు కూర్చోవడం, (sitting for long periods of time,)ఎత్తైన దిండు వాడటం, నిద్ర లేకపోవడం, గాయాలు, వెన్నెముక సంబంధిత సమస్యలు, బరువులు ఎత్తడం వంటివి మెడ నొప్పికి కారణం కావచ్చు. అకస్మాత్తుగా వచ్చిన కండరాల నొప్పులు కూడా ఈ సమస్యను పెంచుతాయి.
చిన్న చిట్కాలు
మెడకు హాట్ ప్యాక్ లేదా ఐస్ ప్యాక్ వేయడం వల్ల మంచి ఉపశమనం కలుగుతుంది. వేడి నీరు కండరాలను సడలించి రక్త ప్రవాహాన్ని మెరుగుపరుస్తుంది. ఐస్ వాడటం వల్ల నొప్పి తగ్గుతుంది. బట్టలో ఐస్ క్యూబ్స్ పెట్టి వాడవచ్చు. వేడి నీటిలో తడిపిన బట్టను మెడపై పెట్టడం ద్వారా కూడా ఉపశమనం పొందవచ్చు.
నెమ్మదిగా మెడను కదిలించడం, వంచడం, చుట్టేసేలా కదలికలు చేయడం వల్ల కండరాలు బలపడతాయి. ఈ వ్యాయామాలు ఎటువంటి ఒత్తిడి లేకుండా నెమ్మదిగా చేయాలి. నొప్పి ఎక్కువగా ఉంటే ఫిజియోథెరపిస్ట్ ను సంప్రదించడం మంచిది.
ముఖ్యమైన జాగ్రత్తలు
మెడ నొప్పిని తగ్గించుకోవడానికి కొన్ని ముఖ్యమైన జాగ్రత్తలు తీసుకోవాలి. నిద్రపోతున్నప్పుడు ఎత్తైన దిండు వాడటం మానేయాలి. పని చేస్తున్నప్పుడు మధ్యమధ్యలో కాసేపు నిలబడటం మంచిది. అలాగే మీరు కూర్చునే కుర్చీ సౌకర్యవంతంగా ఉందో లేదో చూసుకోండి, మెడపై అనవసరమైన ఒత్తిడి పడకుండా జాగ్రత్తపడండి. వేసవిలో ఎక్కువ ద్రవ పదార్థాలు తీసుకోవాలి, నీరు ఎక్కువగా తాగడం వల్ల వెన్నెముకపై ఒత్తిడి తగ్గుతుంది. ఫైబర్ ఎక్కువగా ఉండే ఆహారం తీసుకోవడం మెడ ఆరోగ్యానికి మేలు చేస్తుంది.
తప్పనిసరిగ్గా డాక్టర్ ను కలవాలి
మెడ నొప్పి సాధారణ సమస్య అయినా ఎక్కువ రోజులు కొనసాగితే తప్పకుండా డాక్టర్ ను కలవాలి. ఇంట్లో అనవసరంగా పరీక్షలు చేయకుండా నేరుగా నిపుణుడిని సంప్రదించాలి. నొప్పికి అసలు కారణం తెలుసుకొని సరైన చికిత్స పొందడం అవసరం. సమయానికి తీసుకునే జాగ్రత్తలు మిమ్మల్ని తీవ్రమైన సమస్యల నుండి కాపాడుతాయి.
Read Also: Brain Health: బ్రెయిన్ షార్ప్ గా ఉండాలంటే రోజూ ఈ 5 పనులు చేయండి!
