వైసీపీ ఎంపీ విజయసాయి రెడ్డి రాజకీయాల నుంచి తప్పుకోవడంపై సినీ నిర్మాత, నటుడు బండ్ల గణేశ్ తనదైన శైలిలో స్పందించారు. ఆయన చేసిన ట్వీట్ ఇప్పుడు రాజకీయ వర్గాల్లో చర్చనీయాంశంగా మారింది. అధికారం ఉన్నప్పుడు సుఖభోగాలు అనుభవించి, కష్టసమయంలో రాజకీయాలను వదిలి వెళ్ళిపోవడం ధర్మమా? అంటూ బండ్ల గణేశ్ తన ట్వీట్లో ప్రశ్నించారు.బండ్ల గణేశ్ వ్యాఖ్యలు సామాజిక మాధ్యమాల్లో వైరల్ అవుతున్నాయి. పలు వర్గాలు ఆయన ట్వీట్ను తన-తన కోణంలో విశ్లేషిస్తున్నాయి. విజయసాయి రెడ్డి వంటి కీలక నేతలు తీసుకున్న నిర్ణయాలపై గణేశ్ విమర్శలు చేసిన తీరు పలు ప్రశ్నలకు దారి తీసింది. పలువురు నెటిజన్లు బండ్ల గణేశ్ వ్యాఖ్యలను సమర్థిస్తూనే, రాజకీయ నాయకులకు ఇది సాధారణ అంశమేనని చెప్పుకుంటున్నారు. అయితే, మరికొందరు గణేశ్ వ్యాఖ్యలను వ్యక్తిగత దూషణగా అభివర్ణిస్తున్నారు. ప్రజాసేవ ఒక బాధ్యత అని, దానిని మధ్యలో వదిలివేయడం సరికాదని గణేశ్ అభిప్రాయపడ్డారు.
విజయసాయి రెడ్డి రాజకీయాల నుంచి తప్పుకోవడం వెనుక ఉన్న కారణాలపై ఇంకా స్పష్టత లేదు. కానీ బండ్ల గణేశ్ వంటి ప్రముఖులు తమదైన శైలిలో స్పందించడం, ఈ అంశాన్ని మరింత కీలకంగా మారుస్తోంది. విజయసాయి నిర్ణయం సరైనదా, తప్పుడు దా అనే చర్చ ఇప్పుడు సామాన్య ప్రజల్లోనూ మొదలైంది.ఇకపోతే, బండ్ల గణేశ్ వ్యాఖ్యలపై విజయసాయి రెడ్డి నుంచి ఎలాంటి స్పందన రాలేదు. ఈ వివాదం రాజకీయ నేతల తీరు, బాధ్యతలపై మరిన్ని ప్రశ్నల్ని లేవనెత్తుతుందని విశ్లేషకులు భావిస్తున్నారు.
