Hyderabad rains update:అరేబియా సముద్రంలో ఏర్పడిన తుఫాను ప్రభావం కారణంగా తెలుగు రాష్ట్రాల్లో వాతావరణం పూర్తిగా మారిపోయింది. ఆంధ్రప్రదేశ్‌తో పాటు తెలంగాణలోనూ దీని ప్రభావం కనిపిస్తోంది. రాష్ట్రవ్యాప్తంగా వాతావరణం చల్లబడి, పలుచోట్ల తేలికపాటి నుంచి మోస్తరు వర్షాలు పడుతున్నాయి.
వాతావరణ శాఖ నివేదిక ప్రకారం, అక్టోబర్ 30 నుంచి తెలంగాణ వ్యాప్తంగా వర్షాలు మరింత జోరందుకునే అవకాశం ఉంది. ముఖ్యంగా హైదరాబాద్ నగరంలో నేడు సాయంత్రం నుంచి రేపు ఉదయం వరకు వానలు కురిసే ఛాన్స్ ఉందని అధికారులు తెలిపారు. రాత్రి సమయాల్లో వర్షం తీవ్రత ఎక్కువగా ఉండే అవకాశం ఉందని హెచ్చరించారు.
Read also: Konaseema cyclone: అర్నబ్ ధాటికి ముక్కలైన బోట్లు, వలలు
Hyderabad rains update:తెలంగాణలోని ఇతర జిల్లాల్లోనూ వర్షాలు
కేవలం హైదరాబాద్ మాత్రమే కాకుండా, రాష్ట్రంలోని పలు జిల్లాలలో కూడా ఉరుములు, మెరుపులతో కూడిన మోస్తరు వర్షాలు పడే సూచనలున్నాయి. నేడు సాయంత్రం ప్రారంభమయ్యే ఈ వర్షాలు ఎల్లుండి ఉదయం వరకు కొనసాగే అవకాశం ఉందని వాతావరణ శాఖ స్పష్టం చేసింది.
- పగటిపూట వాతావరణం: ఉదయం వేళల్లో వాతావరణం సాధారణంగా పొడిగా ఉంటుందని, అయితే రాత్రి సమయాల్లో మాత్రం వర్షాల ప్రభావం గణనీయంగా ఉంటుందని అధికారులు పేర్కొన్నారు.
- మోస్తరు వర్షాలు కురిసే జిల్లాల జాబితా: యాదాద్రి భువనగిరి, జనగామ, హన్మకొండ, వరంగల్, మహబూబాబాద్, నల్గొండ, సూర్యాపేట, సిద్దిపేట, రంగారెడ్డి మరియు మెదక్ జిల్లాల్లో మోస్తరు వర్షాలు పడే అవకాశం ఉంది.
- తేలికపాటి జల్లులు: రాజన్న సిరిసిల్ల, కామారెడ్డి, సంగారెడ్డి, కరీంనగర్, పెద్దపల్లి, జగిత్యాల, ఖమ్మం అలాగే భద్రాద్రి కొత్తగూడెం జిల్లాల్లో అక్కడక్కడ వర్షాలు కురిసే ఛాన్స్ ఉందని వాతావరణ శాఖ వెల్లడించింది.
ప్రజలు మరియు ప్రయాణికులు వాతావరణ పరిస్థితులను దృష్టిలో ఉంచుకుని తగిన జాగ్రత్తలు తీసుకోవాలని సూచించడం జరిగింది.
Read Also hindi news: hindi.vaartha.com
Epaper: epaper.vaartha.com
Read Also:
