USA: పోలాండ్ లో విజ్ఞప్తికి నో చెప్పిన ట్రంప్ రష్యా నుంచి ఎదురయ్యే ముప్పును తిప్పికొట్టేందుకు తమ దేశంలోనే అమెరికా అణ్వాయుధాలను మోహరించాలని కోరిన పోలాండ్ అభ్యర్థనకు అమెరికా నిరాకరణ తెలిపింది. ఈ విషయాన్ని అమెరికా ఉపాధ్యక్షుడు జేడీ వాన్స్ తాజాగా వెల్లడించారు. అమెరికా అధ్యక్షుడు డొనాల్డ్ ట్రంప్ ఈ ప్రతిపాదనను స్వీకరించలేదని ఆయన స్పష్టం చేశారు. పశ్చిమ ఐరోపాలో కాకుండా తూర్పు యూరప్‌లోని పోలాండ్‌లోనే అమెరికా అణ్వాయుధాలను భద్రపరచాలని ఆ దేశ అధ్యక్షుడు ఆండ్రెజ్ డూడా గతంలో ప్రస్తావించారు. అయితే, అప్పటి అమెరికా అధ్యక్షుడు జో బైడెన్ ఈ ప్రతిపాదనను నేరుగా తిరస్కరించారు. ఇప్పుడు ట్రంప్ అధ్యక్షతన కూడా ఇదే నిర్ణయం కొనసాగుతుందని వాన్స్ వెల్లడించారు.
ఈ విషయంపై మాట్లాడుతూ, తాను ట్రంప్‌తో చర్చించినట్టు వాన్స్ తెలిపారు. తూర్పు యూరప్‌లో అణ్వాయుధాలను విస్తరించాలన్న అంశానికి ట్రంప్ మద్దతు ఇస్తే తనకు నిజంగా ఆశ్చర్యమేనని పేర్కొన్నారు. ఇదే సమయంలో బైడెన్ ప్రభుత్వంపై తీవ్ర విమర్శలు చేశారు. బైడెన్ ప్రభుత్వం అంతర్జాతీయ వ్యవహారాల్లో తగిన జాగ్రత్తలు పాటించకుండా నిర్లక్ష్య ధోరణిని అవలంబించిందని వాన్స్ ఆరోపించారు. ఉక్రెయిన్‌కు ఆయుధాలను అందించడం వల్ల మాస్కో, కీవ్‌ల మధ్య వివాదం మరింత తీవ్రరూపం దాల్చిందని విమర్శించారు. ట్రంప్ అధ్యక్షుడిగా కొనసాగినట్లయితే ఉక్రెయిన్-రష్యా మధ్య యుద్ధం వచ్చేవాటికాదని అభిప్రాయపడ్డారు.ఇప్పటికే నాటో దళాలు తూర్పు యూరప్ సరిహద్దుల్లో మోహరించడంతో రష్యా తీవ్రంగా వ్యతిరేకిస్తోంది.
ఇలాంటి పరిస్థితుల్లో పోలాండ్ మళ్లీ అమెరికా అణ్వాయుధాలను తమ భూభాగంలో మోహరించాలని కోరడం గమనార్హం. మరోవైపు, ఉక్రెయిన్‌తో కాల్పుల విరమణకు సంబంధించి చర్చలు కొనసాగుతున్న సమయంలోనే ఈ అభ్యర్థన రావడం వివాదాస్పదంగా మారింది. పోలాండ్ అమెరికా మద్దతును కోరుకుంటూనే ఉంది. కానీ, అమెరికా మాత్రం తూర్పు యూరప్‌లో అణ్వాయుధాల ప్రస్తావన రష్యాతో సంబంధాలను మరింత విపరీతంగా చేసేస్తుందనే ఉద్దేశంతో దీనిని తిరస్కరించినట్లు తెలుస్తోంది. భవిష్యత్తులో అమెరికా-పోలాండ్ సంబంధాలు ఎలాంటి మలుపులు తిరుగుతాయో చూడాల్సి ఉంది.
KTR: మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్‌పై నల్గొండ జిల్లాలో రెండు కేసులు నమోదయ్యాయి. పదో తరగతి పరీక్ష మాస్‌ కాపీయింగ్‌ ఘటనపై ఎక్స్‌ పోస్టులు Read more
సంక్రాంతి పండుగలో మూడో రోజు కనుమకు ప్రత్యేక స్థానం ఉంది. కనుమను ప్రధానంగా పశువులకు అంకితం చేస్తారు. రైతుల తోడుగా ఉంటూ ఏడాది పొడవునా శ్రమించే పశువులను Read more
శారీరకంగా ఆరోగ్యంగా ఉండాలంటే ప్రతి ఒక్కరికీ వ్యాయామం చేయడం అవసరం. రోజూ కొంత సమయం నడక, జాగింగ్, యోగా లేదా జిమ్ వంటివాటికి కేటాయిస్తే శరీరం ఫిట్‌గా Read more
అమరావతి: కేంద్ర హోంమంత్రి అమిత్ షా ఏపీ పర్యటన నేపథ్యంలో కాంగ్రెస్ పార్టీ ఏపీ అధ్యక్షురాలు వైఎస్ షర్మిల సంచలన ట్వీట్ చేశారు. పార్లమెంట్‌లో భారతరత్న బీఆర్ Read more