అమెరికాలో ఉన్నత విద్య కోసం వెళ్లిన ఓ భారతీయ యువకుడుని, అధికారులు అరెస్ట్ చేశారు చట్టాన్ని అతిక్రమించి మోసానికి పాల్పడిన ఘటన కలకలం రేపుతోంది. నార్త్ కరోలినాలో చోటుచేసుకున్న ఈ ఘటనలో, 21 ఏళ్ల కిషన్ కుమార్ సింగ్ అనే యువకుడు గైల్ఫోర్డ్ కౌంటీ పోలీసులకు పట్టుబడ్డాడు. వృద్ధ మహిళను మోసం చేసేందుకు అతను ఫెడరల్ ఏజెంట్లా నటించినట్టు అధికారులు వెల్లడించారు.స్టోక్స్డేల్ అనే ప్రాంతంలో నివసించే 78 ఏళ్ల వృద్ధురాలికి కొన్ని అనుమానాస్పద ఫోన్ కాల్స్ వచ్చాయి. కాల్ చేసిన వ్యక్తులు తమను ఫెడరల్ అధికారులు అని చెబుతూ, ఆమె బ్యాంకు ఖాతా ఒక నేరంలో భాగమైందని భయపెట్టారు. వృద్ధురాలిని నమ్మబలికి, ఆమె డబ్బును తక్షణమే విత్డ్రా చేసి, “భద్రత కోసం” తమకు అందజేయాలని ఒత్తిడి చేశారు.ఈ క్రమంలో, ఆమె ఇంటికి ఫెడరల్ ఏజెంట్లా వేషధారణలో వచ్చిన వ్యక్తి కిషన్ కుమార్ సింగ్. డబ్బు తీసుకోవడానికి వచ్చిన క్షణానికే పోలీసులు అతన్ని రెడ్ హ్యాండెడ్గా పట్టుకున్నారు.
అప్పటికే ఆమె ఫిర్యాదు ఆధారంగా పోలీసులు అప్రమత్తమయ్యారు.కిషన్ కుమార్ సింగ్ విద్యార్థి వీసాతో 2024లో అమెరికా వచ్చాడని పోలీసులు తెలిపారు.ఒహాయోలోని సిన్సినాటి ప్రాంతంలో నివాసముంటున్న అతడు, నేరానికి నేరుగా పాలుపంచుకున్నట్టు ఆధారాలు వెల్లడించాయి. గైల్ఫోర్డ్ కౌంటీ షెరీఫ్ డానీ హెచ్. రోజర్స్ కూడా అరెస్ట్ను అధికారికంగా ధృవీకరించారు.ఈ కేసులో దోషిగా తేలితే, కిషన్ కుమార్ సింగ్కు అమెరికా చట్టాల ప్రకారం కఠిన శిక్షలు ఎదురవుతాయి. వీసా రద్దు కావడం, ఆయనపై దేశం నుంచి బహిష్కరణ వలె చర్యలు తీసుకునే అవకాశాలు ఉన్నాయని నిపుణులు చెబుతున్నారు.భారతీయ విద్యార్థులపై విదేశాల్లో ఇలా నమ్మకాన్ని కోల్పోయే ఘటనలు తీవ్ర ప్రభావం చూపుతాయి. ఈ ఘటన మరోసారి స్పష్టం చేస్తోంది – నైతిక విలువలు కోల్పోతే, ఎంత చిన్న ప్రయత్నమైనా జీవితాన్ని దిగజారుస్తుంది.విదేశాల్లో ఉన్న విద్యార్థులు చదువులపై దృష్టిపెట్టి, చట్టాలను గౌరవించడం ఎంతో అవసరం. చిన్నగా మొదలైన తప్పులు, జీవితాన్నే మలుపు తిప్పే ప్రమాదం కలిగి ఉంటాయి. కిషన్ చేసిన ఈ తప్పు, భవిష్యత్తులో అతడి జీవితాన్ని తీవ్రంగా ప్రభావితం చేయనుంది.
Read Also : Benjamin Netanyahu: తీవ్ర స్థాయిలో ప్రతీకార దాడులు చేస్తాం: నెతన్యాహు
