ఉత్తరాఖండ్ (Uttarakhand)రాష్ట్రంలోని పిథోరాగఢ్(Pithoragarh) జిల్లాలో మంగళవారం జరిగిన ఘటనలో భారీ కొండచరియలు (Landslides)విరిగిపడటంతో కైలాస్ యాత్ర మార్గం (Kailash Yatra route)తీవ్రంగా ప్రభావితమైంది. ఈ ఘటనలో పలు ప్రాంతాల్లో రహదారులు మూసుకుపోయాయి, దీంతో యాత్రికులు చిక్కుకుపోయారు.
సాంకేతిక అవాంతరాలు
కొండచరియలు విరిగిపడటంతో ఆ మార్గం పూర్తిగా మూసుకుపోయింది. దీంతో ఇరువైపులా వందలాది మంది స్థానికులు, యాత్రికులు చిక్కుకుపోయారు. సమాచారం అందుకున్న అధికారులు, పోలీసులు ఘటనాస్థలికి చేరుకొని సహాయక చర్యలు చేపట్టారు. రోడ్డుపై పడిన బండరాళ్లను తొలగించి రోడ్డు పునరుద్ధరణకు కృషి చేస్తున్నారు. పర్వత ప్రాంతం కావడంతో సహాయక చర్యలకు సాంకేతికంగా కొన్ని అవాంతరాలు ఎదురవుతున్నాయి. అయితే, విపత్తు నిర్వహణ బృందాలు యాత్రికులను సురక్షితంగా బయటకు తీసుకుని వచ్చేందుకు ప్రయత్నం చేస్తున్నాయి. ఈ ఘటనలో ఇప్పటి వరకు ఎటువంటి ప్రాణనష్టం జరగలేదు.
రహదారులు మూసుకుపోవడంతో, యాత్రికులను రక్షించడానికి హెలికాప్టర్ సేవలు ప్రారంభించబడ్డాయి. సమాచారం ప్రకారం, 10 మంది యాత్రికులు ఖేలా (Khela) ప్రాంతం నుండి ధార్చులా సైనిక హెలిప్యాడ్కు రక్షించబడ్డారు. అదే విధంగా, తమిళనాడు నుండి వచ్చిన 30 మంది యాత్రికులు బుడీ (Budi) ప్రాంతం నుండి రక్షించబడ్డారు. యాత్రికులు మరియు స్థానికులు భద్రతా చర్యలను పాటించడం అత్యంత అవసరం. రహదారుల స్థితిని నిరంతరం పరిశీలించడం, స్థానిక అధికారుల సూచనలను అనుసరించడం, మరియు అత్యవసర పరిస్థితుల్లో సహాయం కోసం సంబంధిత అధికారులకు సమాచారం ఇవ్వడం ముఖ్యం.
Read Also :Jammu & Kashmir : పాకిస్థాన్ లైవ్ షెల్ను నిర్వీర్యం చేసిన సైన్యం
