Chittoor crime: చిత్తూరు జిల్లా బైరెడ్డిపల్లె మండలంలోని జోగిండ్లలో పెళ్లి జరిగిన నాలుగు రోజులకే తీవ్ర విషాదం చోటుచేసుకుంది. జె. మురళి అనే యువకుడు సీఎస్సీ కేంద్రంలో ఆపరేటర్గా పనిచేస్తూ జీవనం సాగించేవాడు. గతంలో మొదటి భార్యతో విడాకులు తీసుకున్న మురళికి, కుటుంబ సభ్యులు ఫిబ్రవరి 25న సుజాత అనే యువతితో రెండో వివాహం జరిపించారు. ఎంతో ఘనంగా జరిగిన ఈ వేడుక తర్వాత, కొత్త దంపతులు తమ వైవాహిక జీవితాన్ని ప్రారంభించకముందే ఈ ఘోరం జరిగిపోయింది. ఇళ్లంతా బంధువులు, మిత్రులతో సందడిగా ఉన్న సమయంలో మురళి మరణవార్త వినడంతో ఆ గ్రామంలో విషాద ఛాయలు అలుముకున్నాయి.
Read also: CJI SuryaKant: తిరుపతి జిల్లా పర్యటన ముగించుకుని న్యాయమూర్తికి సాదర వీడ్కోలు
Groom commits suicide just four days after marriage
విధులకని వెళ్ళి తిరిగిరాని లోకాలకు
ఫిబ్రవరి 28న మురళి ఎప్పటిలాగే తన విధులకు హాజరయ్యేందుకు ఇంటి నుంచి బయలుదేరాడు. ఉదయం ఆఫీసుకి వెళ్ళిన వ్యక్తి సాయంత్రం అయినా ఇంటికి చేరుకోకపోవడంతో కుటుంబ సభ్యులు ఆందోళన చెందారు. ఫోన్ చేసినా స్పందన లేకపోవడంతో స్నేహితులు, బంధువుల వద్ద ఆరా తీశారు. ఎక్కడా మురళి ఆచూకీ లభించకపోవడంతో మరుసటి రోజు ఆదివారం ఉదయం పోలీసులకు ఫిర్యాదు చేశారు. కేసు నమోదు చేసిన పోలీసులు గాలింపు చర్యలు చేపట్టగా, బైరెడ్డిపల్లె పెద్దచెరువు సమీపంలో మురళికి సంబంధించిన వస్తువులు కనిపించాయి. చెరువు గట్టుపై ఉన్న చెప్పులను మురళివిగా గుర్తించిన స్థానికులు పోలీసులకు వెంటనే సమాచారం అందించారు.
మురళి మరణం వెనుక మిస్టరీ
స్థానిక ఈతగాళ్ల సహాయంతో పోలీసులు చెరువులో గాలించగా, మురళి మృతదేహం బయటపడింది. పెళ్లయిన నాలుగు రోజులకే మురళి ఆత్మహత్య (Suicide) చేసుకోవడానికి గల కారణాలు ఇంకా తెలియాల్సి ఉంది. మొదటి వివాహం విఫలం కావడం లేదా మరేదైనా మానసిక ఒత్తిడి కారణమా అనే కోణంలో పోలీసులు దర్యాప్తు చేస్తున్నారు. అప్పటివరకు సంతోషంగా కనిపించిన యువకుడు ఇలా అర్ధాంతరంగా తనువు చాలించడంతో భార్య సుజాతతో పాటు తల్లిదండ్రులు కన్నీరుమున్నీరవుతున్నారు. ఈ ఘటనపై కేసు నమోదు చేసిన పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించారు. అసలు ఆ రోజు ఏం జరిగింది అనేది పోలీసుల విచారణలో తేలాల్సి ఉంది.
Read hindi news: hindi.vaartha.com
Epaper: epaper.vaartha.com
Read Also:
