ఇండియన్ ప్రీమియర్ లీగ్ (IPL)లో నేటి మ్యాచ్ పంజాబ్ కింగ్స్ (PBKS) మరియు కోల్కతా నైట్ రైడర్స్ (KKR) మధ్య ఉత్కంఠగా జరగనుంది. ఇప్పటివరకు ఈ రెండు జట్ల మధ్య జరిగిన 33 మ్యాచ్ల్లో KKR స్పష్టమైన ఆధిక్యంలో ఉంది. కోల్కతా 21 మ్యాచ్లు గెలవగా, పంజాబ్ కేవలం 12 విజయాలతో పరిమితమైంది. అయితే గత నాలుగు సీజన్లలో చెరో నాలుగు విజయాలతో రెండు జట్లు సమంగా నిలిచిన సంగతి విశేషం.
లాకీ ఫెర్గూసన్ గాయంతో టోర్నీ నుంచి తప్పుకోవడం
ఈ మ్యాచ్కు ముందు పంజాబ్ జట్టుకు ఓ షాక్ తగిలింది. కీలక బౌలర్ లాకీ ఫెర్గూసన్ గాయంతో టోర్నీ నుంచి తప్పుకోవడం జట్టుకు ప్రతికూలంగా మారే అవకాశముంది. అయితే మిడిలార్డర్లో ఉన్న మాక్స్వెల్ నుంచి మంచి ఇన్నింగ్స్ వచ్చే ఆసలు పంజాబ్ ఆశిస్తోంది. ప్రస్తుతం అతను అద్భుత ఫామ్లో ఉన్నాడు. పవర్ప్లే తర్వాత వికెట్లు దక్కించే బాధ్యత అతని భుజాలపై ఉంటుంది.
స్పిన్నర్లు అత్యుత్తమ బౌలింగ్
అటు KKR బౌలింగ్ విభాగం మాత్రం బలంగా కనిపిస్తోంది. ముఖ్యంగా స్పిన్నర్లు అత్యుత్తమ బౌలింగ్ సగటుతో పాటు మినిమమ్ ఎకానమీ రేటుతో రాణిస్తున్నారు. వీరు పంజాబ్ బ్యాటర్లను కట్టడి చేసే అవకాశాలు ఎక్కువగా కనిపిస్తున్నాయి. ఇక నేటి మ్యాచ్ ఫలితం ప్లేఆఫ్స్ కోసం పోటీపడుతున్న జట్లకు ఎంతో కీలకంగా మారనుంది. అభిమానుల ఎదురుచూపులకు తెరపడనుంది.
