తెలుగుదేశం పార్టీ వ్యవస్థాపకుడు, మహానటుడు నందమూరి తారకరామారావు నటుడిగా అరంగేట్రం చేసిన మనదేశం సినిమాకు 75 ఏళ్లు పూర్తయిన సందర్భంగా విజయవాడ పోరంకిలోని మురళీ రిసార్ట్స్‌లో సినీ వజ్రోత్సవ వేడుకలు నేడు జరగనున్నాయి. 1949లో ఎల్వీ ప్రసాద్ దర్శకత్వంలో వచ్చిన ఈ చిత్రం ద్వారా ఎన్టీఆర్ తన సినీ ప్రస్థానాన్ని ప్రారంభించారు. ఈ వేడుకల కోసం నిర్వాహకులు ప్రత్యేక ఏర్పాట్లు పూర్తి చేశారు.
ఈ కార్యక్రమానికి ముఖ్య అతిథులుగా మాజీ ముఖ్యమంత్రి చంద్రబాబు నాయుడు, మాజీ ఉపరాష్ట్రపతి వెంకయ్యనాయుడు, బీజేపీ రాష్ట్ర అధ్యక్షురాలు దగ్గుబాటి పురందేశ్వరి, ఎన్టీఆర్ కుమారులు నందమూరి మోహనకృష్ణ, జయకృష్ణతో పాటు పలువురు సినీ ప్రముఖులు హాజరుకానున్నారు. ఈ సందర్భంగా “తారకరామం.. అన్నగారి అంతరంగం” పుస్తకాన్ని ఆవిష్కరించనున్నారు.
ఈ వేడుకలను రాష్ట్రవ్యాప్తంగా ప్రేక్షకులందరికీ అందించేందుకు లైవ్ లింక్‌ను ఏర్పాటు చేసినట్టు ఎన్టీఆర్ లిటరేచర్ కమిటీ చైర్మన్ టీడీ జనార్దన్ తెలిపారు. కార్యక్రమంలో పాల్గొనే అతిథులు ఎన్టీఆర్ జీవితంలో రాజకీయాలు, సినీ రంగంలో చేసిన కృషిపై ప్రసంగించనున్నారు. ఆయన నటనతో పాటు ప్రజా సేవ గురించి స్ఫూర్తిదాయక సందేశాలు వినిపించనున్నారు.
రామకృష్ణ మాట్లాడుతూ.. “ఎన్టీఆర్ రాజకీయ, సినీ రంగాల్లో ఒక ధ్రువతార. ఆయన పేరు, కీర్తి సూర్యచంద్రులు ఉన్నంత కాలం నిలిచిపోతాయి” అని పేర్కొన్నారు. ఎన్టీఆర్ చేసిన సాంస్కృతిక, సామాజిక సేవలు తరతరాలకు ప్రేరణగా నిలుస్తాయని ఆయన అభిప్రాయపడ్డారు.
ఈ వేడుకల సందర్భంగా ఎన్టీఆర్ జీవిత చరిత్రను పాఠ్యాంశంగా పొందుపరచనున్నట్టు జనార్దన్ వెల్లడించారు. ఎన్టీఆర్ స్మృతి చిహ్నాలుగా ఈ వేడుకలు నిర్వహించడం తెలుగు చలనచిత్ర రంగానికి గర్వకారణమని సినీ ప్రముఖులు తెలిపారు.
మూడు నెలల్లో రెండోసారి ముఖ్యమంత్రి నివాసం కేటాయింపును కేంద్ర ప్రభుత్వం రద్దు చేసిందని ఢిల్లీ ముఖ్యమంత్రి అతిషి మంగళవారం ఆరోపించారు. ఢిల్లీ అసెంబ్లీ ఎన్నికల తేదీలను భారత Read more
తెలంగాణలో ఆరోగ్యశ్రీ సేవలు తాత్కాలికంగా నిలిపివేయనున్నట్లు ప్రైవేట్ ఆసుపత్రులు ప్రకటించాయి. ప్రభుత్వం నిధులను పూర్తిగా చెల్లించేవరకు సేవలు అందించబోమని నెట్వర్క్ ఆసుపత్రులు స్పష్టం చేశాయి. ఈ నిర్ణయం Read more
మరణ ఘర్షణ ప్రారంభం: Jr. NTR & ప్రశాంత్ నీల్ యొక్క మెగా మూవీ కలయిక టాలీవుడ్‌లో ఉత్సాహం పీక్‌కు చేరుకుంది, ఎందుకంటే ఇండస్ట్రీలోని ఇద్దరు దిగ్గజాలు—యంగ్ Read more
ఆటో డ్రైవర్ల సమస్యలపై దృష్టి సారిస్తూ, బీఆర్‌ఎస్‌ ఎమ్మెల్యేలు అసెంబ్లీలో ఖాకీ చొక్కాలు ధరించి నిరసన తెలిపారు. ఆటో కార్మికుల సమస్యలు పరిష్కరించాలని ప్రభుత్వాన్ని డిమాండ్‌ చేస్తూ, Read more