గత ఒకే ఏడాదిలో వెండి ధరలు (Silver Price) 54% వరకు పెరగడం పెట్టుబడిదారులు, వినియోగదారుల దృష్టిని ఆకర్షిస్తోంది. ఈ పెరుగుదలకు ప్రధాన కారణం పారిశ్రామిక వినియోగం విపరీతంగా పెరగడం. ముఖ్యంగా సౌరశక్తి ప్యానెల్స్, ఎలక్ట్రానిక్స్, బ్యాటరీలు, మెడికల్ పరికరాలు వంటి రంగాలలో వెండి కీలక ముడిపదార్థంగా ఉపయోగిస్తున్నారు. సౌర ప్యానెల్ల తయారీలో వెండి కండక్టివ్ పేస్ట్ రూపంలో వినియోగించడం వల్ల భారీగా డిమాండ్ పెరిగింది. అంతేకాకుండా ఎలక్ట్రానిక్స్ రంగంలో మైక్రోచిప్స్, కనెక్టర్లు, సర్క్యూట్ బోర్డులు వంటి సున్నితమైన భాగాలకు వెండి ఒక విశ్వసనీయ కండక్టర్గా ఉపయోగించబడుతోంది.
UPI Payments India: By Mistake డబ్బు పంపారా? ఈ నంబర్కు కాల్ చేయండి!
ప్రస్తుతం మార్కెట్లో కిలో వెండి ధర సుమారు 1.5–1.6 లక్షల మధ్య ఉండగా, ఈ వేగం కొనసాగితే త్వరలోనే రూ.2 లక్షల మార్క్ను చేరే అవకాశం ఉందని నిపుణులు పేర్కొంటున్నారు. ఐదేళ్లలో మూడు లక్షల వరకు పెరిగే అవకాశాన్ని కూడా విస్మరించలేమని వారు అంటున్నారు. ఈ అంచనాలు గ్లోబల్ సప్లై మరియు డిమాండ్ మధ్య ఏర్పడిన వ్యత్యాసాలపై ఆధారపడి ఉన్నాయి. మైనింగ్ పరిమితులు, ఉత్పత్తి ఖర్చులు పెరగడం, చైనా, అమెరికా వంటి దేశాల పారిశ్రామిక విస్తరణ వల్ల సిల్వర్ వినియోగం పెరగడం వంటి అంశాలు ధరలను మరింత ఎగదోసే అవకాశం ఉంది.
సురక్షిత పెట్టుబడిగా బంగారం, వెండిపై పెట్టుబడిదారుల ఆసక్తి క్రమంగా పెరుగుతోంది. గ్లోబల్ ఆర్థిక అనిశ్చితులు, కరెన్సీ మార్పులు, ద్రవ్యోల్బణం వంటి అంశాలు మానవులను బంగారం, వెండిలాంటి విలువైన లోహాలవైపు మళ్లిస్తాయి. బంగారంతో పోలిస్తే వెండికి పారిశ్రామిక వినియోగం ఎక్కువగా ఉండడం వల్ల దీని ధరల దిశ కొంత డైనమిక్గా ఉంటుంది. అయినప్పటికీ దీర్ఘకాలికంగా చూస్తే వెండి పెట్టుబడి కేవలం సురక్షితం మాత్రమే కాకుండా లాభదాయకమవుతుందనే అంచనాలు పెట్టుబడిదారుల్లో నమ్మకాన్ని పెంచుతున్నాయి.
