ఢిల్లీలో ముస్లిం ఓటర్లు అధికంగా ఉన్న 7 నియోజకవర్గాల్లో బీజేపీ అనూహ్యంగా మంచి ప్రదర్శన చేసింది. మొదట ఆమ్ ఆద్మీ పార్టీ (AAP) ఆధిక్యంలో ఉన్నా, కౌంటింగ్ ముందుకు సాగేకొద్దీ బీజేపీ మరింత బలంగా ముందుకు వచ్చింది. ఈ విజయానికి కారణం, బీజేపీ ముస్లిం మోర్చా అమలు చేసిన ‘సైలెంట్ క్యాంపెయిన్’ అనే వ్యూహమేనని విశ్లేషకులు భావిస్తున్నారు.
ఈ వ్యూహంలో భాగంగా బీజేపీ ముస్లిం మోర్చా నేతలు 4-7 మంది సభ్యులుగా చిన్న చిన్న బృందాలుగా ఏర్పడి ప్రతి ఇంటికీ వెళ్లి ప్రచారం చేశారు. ప్రభుత్వం అమలు చేస్తున్న ‘లాభార్థి యోజనల’ పేరిట ఓటర్ల వివరాలు సేకరించడం ద్వారా, వారు ఎదుర్కొంటున్న అసంతృప్తిని అర్థం చేసుకున్నారు. ముఖ్యంగా ఆమ్ ఆద్మీ పార్టీ పాలనపై ప్రజల్లో ఉన్న ఆగ్రహాన్ని గుర్తించి, దాన్ని తమకు అనుకూలంగా మలుచుకున్నారు.
కేవలం ఇంటింటి ప్రచారానికే పరిమితం కాకుండా, ప్రతి నియోజకవర్గంలో 70-80 చిన్న చిన్న సమావేశాలు ఏర్పాటు చేయడం ద్వారా ప్రత్యక్ష ప్రచారాన్ని బలపరిచారు. ఈ సమావేశాల్లో మోడీ ప్రభుత్వం అందించిన సంక్షేమ పథకాల గురించి వివరించి, తమకు ఓటేస్తే ఇంకా మెరుగైన పాలన అందిస్తామనే నమ్మకం కల్పించారు. దీనివల్ల ఓటర్లు కొత్తగా ఆలోచించేందుకు ప్రేరేపించబడినట్లు తెలుస్తోంది.
ఆమ్ ఆద్మీ పార్టీ ముస్లిం ఓట్లపై సంపూర్ణ ఆధిపత్యం కనబరిచే పరిస్థితిలో ఉన్నా, బీజేపీ వ్యూహాత్మకంగా దూసుకువచ్చి సమీకరణాలను మార్చేసింది. మౌలిక సదుపాయాలు, విద్య, ఆరోగ్య రంగాల్లో AAP విఫలమైందనే ప్రచారం కూడా బీజేపీకి కలిసొచ్చింది. ఈ ప్రచారాన్ని స్వయంగా ముస్లిం మోర్చా సభ్యులే నడిపించడం వల్ల మరింత విశ్వసనీయత పెరిగింది. మొత్తంగా ముస్లిం ఓటర్ల మధ్య మెదలైన ఈ మార్పు బీజేపీకి దీర్ఘకాలిక లాభాలను తెచ్చిపెట్టే అవకాశముంది. ప్రత్యేకంగా రూపొందించిన వ్యూహంతో ఈ నియోజకవర్గాల్లో బీజేపీ విజయాన్ని సాధించగలిగింది.
వైసీపీని వీడిన ఏపీ మహిళా కమిషన్ మాజీ ఛైర్‌పర్సన్ వాసిరెడ్డి పద్మ.. తాజాగా మాజీ ఎంపీ గోరంట్ల మాధవ్పై పోలీసులకు ఫిర్యాదు చేసారు. గోరంట్ల మాధవ్ అత్యాచార Read more
OPPO Reno13 సిరీస్ GenAIని ఎక్కువ మంది వినియోగదారులకు అందుబాటులోకి తీసుకువస్తోంది. ఇది భారతదేశ మార్కెట్లో AI-శక్తితో పనిచేసే స్మార్ట్‌ఫోన్‌లకు కొత్త కొలమానాలను నిర్దేశిస్తుంది. IP66 / Read more
న్యూయార్క్‌: అమెరికాలోని లాస్ ఏంజెలెస్ ఇటీవల చెలరేగిన కార్చిచ్చు మళ్లీ మొదలైంది. తాజాగా మరో ప్రాంతంలో కొత్త మంటలు చెలరేగాయి. దీంతో మళ్లీ ఆందోళనకర పరిస్థితులు నెలకున్నాయి. Read more
ప్రపంచ వ్యాప్తంగా ప్రభావశీలి అయిన బిజినెస్ మాన్ ఎలాన్ మస్క్, ఇప్పుడు డొనాల్డ్ ట్రంప్ యొక్క అమెరికా ప్రభుత్వంలో కీలక పాత్ర పోషించనున్నారు. ట్రంప్ డొనాల్డ్, “DOGE” Read more