ముంబయి నగరానికి గర్వకారణమైన వాంఖెడే స్టేడియం తన 50వ వార్షికోత్సవాన్ని ఘనంగా జరుపుకుంటోంది. ఈ జ్ఞాపకార్థంగా ముంబయి క్రికెట్ అసోసియేషన్ (ఎంసీఏ) ఆధ్వర్యంలో నిర్వహించిన ప్రత్యేక వేడుకలు ప్రతి ఒక్కరిని ఆకట్టుకుంటున్నాయి. జనవరి 23న జరిగిన ఈ వేడుకల్లో వాంఖెడే స్టేడియం గిన్నిస్ వరల్డ్ రికార్డును సొంతం చేసుకుంది. ఈ సందర్భంలో ప్రత్యేకంగా 14,505 క్రికెట్ బంతులతో “50 ఇయర్స్ ఆఫ్ వాంఖడే స్టేడియం” అనే సెంటన్స్‌ను రూపొందించడం జరిగింది. ఈ ప్రదర్శన కోసం ఎరుపు మరియు తెలుపు రంగుల క్రికెట్ బంతులను ఉపయోగించడం విశేషం. ఇది నాటి నుంచి నేటి వరకు స్టేడియం సాధించిన విజయాలను గుర్తుచేసేలా ప్రత్యేక ఆకర్షణగా నిలిచింది.వాంఖెడే స్టేడియం చరిత్రలో 1975లో వెస్టిండీస్‌తో జరిగిన తొలి అంతర్జాతీయ టెస్టు మ్యాచ్ చారిత్రాత్మక మైలురాయిగా నిలిచింది.
ఆ మ్యాచ్‌లో లెజెండరీ క్రికెటర్ ఏక్‌నాథ్ సోల్కర్ తన సెంచరీతో క్రికెట్ ప్రేమికుల గుండెల్లో నిలిచిపోయారు. ఇప్పుడు ఆ చారిత్రక సందర్భాన్ని గుర్తుచేస్తూ, స్టేడియం 50 ఏళ్ల ప్రస్థానాన్ని ఘనంగా జరుపుకోవడం క్రికెట్ అభిమానులకు సంతోషకరమైన సంఘటన. ఎంసీఏ ప్రెసిడెంట్ అజింక్య నాయక్ ఈ కార్యక్రమ వివరాలను సోషల్ మీడియా వేదికగా పంచుకున్నారు. ఈ ఉత్సవాల్లో భాగంగా, క్రికెట్ మైదానంలో ఆడిన ముంబయి ఆటగాళ్లకు, ముఖ్యంగా ఏక్‌నాథ్ సోల్కర్ వంటి దిగ్గజాల స్మారకానికి ఈ వేడుక అంకితం చేశారు.ఈ కార్యక్రమంలో ఉపయోగించిన 14,505 బంతులను ప్రత్యేకంగా స్కూళ్లకు, క్రికెట్ క్లబ్బులకు, ఎన్జీవోలకు చెందిన యువ క్రికెటర్లకు కానుకగా ఇవ్వనున్నట్లు ఎంసీఏ ప్రెసిడెంట్ ప్రకటించారు. ఈ నిర్ణయం పాతికేళ్ల క్రికెట్ వారసత్వాన్ని కొత్త తరాలకు అందించడంలో ప్రాధాన్యం కలిగిస్తుందని పేర్కొన్నారు. ఖెడే స్టేడియం క్రికెట్ ప్రపంచానికి ఎంతో మైలురాళ్లను అందించింది. ఇప్పుడు 50 ఏళ్ల అనుభవాన్ని ఘనంగా జరుపుకుంటూ, కొత్త రికార్డుతో మరింత గుర్తింపు పొందడం నిజంగా గర్వకారణం.
కెనడాలో రాజకీయ పరిణామాలు వేగంగా మారుతున్నాయి. తాజా సమాచారం ప్రకారం, ప్రధాన మంత్రి జస్టిన్ ట్రూడో తన పదవికి రాజీనామా చేసి, లిబరల్ పార్టీ నాయకత్వం కొత్త Read more
హైదరాబాద్‌: విధ్వంసం, మోసం, అటెన్ష్ డైవర్షన్‌ కోసం కాంగ్రెస్ ప్రభుత్వం తన కేసుల అంశాన్ని తెరపైకి తీసుకొచ్చిందన్నారు కేటీఆర్. కక్ష పూరితంగా ఎన్ని ప్రయత్నాలు చేసినా తనను Read more
తెలంగాణ రాష్ట్ర ప్రభుత్వం గద్దర్ అవార్డుల కోసం రూ.10 కోట్లు? బడ్జెట్ ప్రతిపాదించినట్లు సమాచారం. ఆర్థిక మంత్రి భట్టి విక్రమార్క రాష్ట్ర బడ్జెట్ రూపొందించే క్రమంలో అన్ని Read more
పీఎస్‌ఎల్‌వీ-60 ప్రయోగాన్ని విజయవంతంగా పూర్తి చేసిన ఇస్రోకు ఆంధ్రప్రదేశ్ ముఖ్యమంత్రి చంద్రబాబు నాయుడు అభినందనలు తెలిపారు. ఈ ప్రయోగంతో భారత అంతరిక్ష పరిశోధన సంస్థ మరో కీలక Read more