కేంద్ర ప్రభుత్వం ఇనాక్టివ్ (క్రియాశీలంగా లేని) మొబైల్ నంబర్ల విషయంలో ముఖ్యమైన నిర్ణయం తీసుకుంది. ఏప్రిల్ 1, 2025 నుంచి యూనిఫైడ్ పేమెంట్స్ ఇంటర్‌ఫేస్ (యూపీఐ) సేవలను అటువంటి నంబర్లకు నిలిపివేయనున్నట్లు నేషనల్ పేమెంట్స్ కార్పొరేషన్ ఆఫ్ ఇండియా (ఎన్‌పీసీఐ) ప్రకటించింది.ఈ నిర్ణయం అన్ని బ్యాంకులు, పేమెంట్ సర్వీస్ ప్రొవైడర్లకు (గూగుల్ పే, ఫోన్ పే, పేటీఎం వంటి యాప్‌లకు) వర్తించనుంది.
ప్రధాన కారణాలు
యూపీఐ లావాదేవీల భద్రతను పెంచడం, మోసాలను నిరోధించడం ఈ చర్యకు ప్రధాన కారణాలు. యూపీఐ సేవలు ప్రధానంగా మొబైల్ నంబర్‌పై ఆధారపడతాయి.టెలికాం సంస్థలు పాత మొబైల్ నంబర్లను తిరిగి కొత్త వినియోగదారులకు కేటాయిస్తుంటాయి.దీని వలన ఆ నంబర్లతో లింక్ అయిన పాత యూపీఐ ఖాతాలు దుర్వినియోగం అయ్యే అవకాశం ఉంటుంది.ఓటిపి ధృవీకరణ వంటి భద్రతా విధానాలు మొబైల్ నంబర్‌తో పనిచేస్తాయి.ఇనాక్టివ్ నంబర్లను తొలగించకపోతే అధికార ఖాతాలు దుర్వినియోగం అయ్యే ప్రమాదం ఉంది.
వినియోగదారులు
ఈ నిర్ణయం కింది విభాగాల వినియోగదారులపై ప్రభావం చూపుతుంది:కొన్ని నెలల నుంచి తమ యూపీఐ లింక్డ్ మొబైల్ నంబర్ ఉపయోగించని వారు.పాత మొబైల్ నంబర్‌ను మార్పిడి చేసి బ్యాంక్ రికార్డుల్లో అప్‌డేట్ చేయనివారు.తమ పాత నంబర్‌ను సరెండర్ చేసి కొత్త నంబర్ తీసుకున్నా, బ్యాంక్‌లో మార్పు నమోదు చేయని వారు.
యూపీఐ సేవలు నిలిచిపోకుండా ఉండాలంటే
మీ యూపీఐ అకౌంట్ నిరవధికంగా నిలిపివేయబడకుండా ఉండాలంటే, కొన్ని జాగ్రత్తలు తీసుకోవాలి:మీ మొబైల్ నంబర్ యాక్టివ్‌గా ఉందో లేదో ధృవీకరించుకోండి. మీ బ్యాంకు నుంచి ఓటిపి ఎస్‌ఎంఎస్ లేదా అలెర్ట్స్ వస్తున్నాయా అని క్రమం తప్పకుండా తనిఖీ చేయండి.యూపీఐ లావాదేవీలు సజావుగా జరిగేలా, బ్యాంకు రికార్డుల్లో మీ మొబైల్ నంబర్ అప్‌డేట్ చేయించండి.నెట్ బ్యాంకింగ్ ద్వారా లేదా నేరుగా బ్యాంకును సందర్శించి మీ నంబర్‌ను వెరిఫై చేయించుకోండి.గూగుల్ పే, ఫోన్ పే, పేటీఎం లాంటి యూపీఐ యాప్‌లను ఓపెన్ చేసి మీ అకౌంట్ యాక్టివ్‌గా ఉందో లేదో చెక్ చేయండి.
అప్‌డేట్
యూపీఐ సేవలు సురక్షితంగా ఉండాలంటే ఈ మార్గదర్శకాలను పాటించాలి.ఇనాక్టివ్ మొబైల్ నంబర్లను తొలగించడం వల్ల భద్రత పెరుగుతుంది, మోసాలను నివారించొచ్చు.ఏప్రిల్ 1, 2025నుంచి ఈ మార్గదర్శకాలు అమలులోకి రానున్నందున, వెంటనే మీ బ్యాంక్ డిటైల్స్ అప్‌డేట్ చేసుకోవడం ఉత్తమం.మొబైల్ నంబర్ మార్చిన తర్వాత బ్యాంక్ రికార్డులను పునరుద్ధరించనివారిపై, యూపీఐ తో లింక్ చేసిన నంబర్లను ఉపయోగించని వారిపై, అలాగే తమ పాత నంబర్లను సరెండర్ చేసిన వారిపై కేంద్రం తాజా నిర్ణయం ప్రభావం చూపుతుంది.
వైష్ణో దేవి రోప్‌వే ప్రాజెక్టుకు వ్యతిరేకంగా కత్రాలో 72 గంటల దిగ్బంధనం మాతా వైష్ణో దేవి రోప్‌వే ప్రాజెక్టు కత్రాలో 72 గంటల దిగ్బంధనాన్ని ఎదుర్కొంది. స్థానిక Read more
50:50 పథకం కింద ముడా ద్వారా స్థలాల కేటాయింపులో జరిగిన కుంభకోణంలో ముఖ్యమంత్రి సిద్ధరామయ్య, ఆయన భార్య, బంధువులకు లోకాయుక్త పోలీసులు క్లీన్ చిట్ ఇచ్చినట్లు సమాచారం. Read more
న్యూఢిల్లీ: ఢిల్లీ అసెంబ్లీ ఎన్నికలకు సంబంధించి శుక్రవారం ఎన్నికల కమిషన్‌ (ఇసి) నోటిఫికేషన్ విడుదల చేసింది. నేటి నుండి నామినేషన్ల స్వీకరించనున్నట్లు ప్రకటించింది. ఈ నెల 17వ Read more
రాజస్థాన్‌లోని సిరోహి జిల్లాలో గురువారం ఒక ఘోర రోడ్డు ప్రమాదం జరిగింది. వేగంగా వెళ్తున్న కారు ట్రక్కును ఢీకొట్టడంతో ఆరుగురు మృతి చెందారు. ప్రమాదం సిరోహి జిల్లాలోని Read more