తెలంగాణ రాజకీయ వర్గాల్లో ఉప ఎన్నికల చర్చ మళ్లీ వేడెక్కింది. బీఆర్ఎస్ వర్కింగ్ ప్రెసిడెంట్ కేటీఆర్ ఎక్స్ వేదికగా చేసిన సంచలన పోస్ట్ ఈ చర్చకు మరింత ఊపునిచ్చింది. మరో మూడు నెలల్లో రాష్ట్రంలో ఉప ఎన్నికలు రాబోతున్నాయని, పార్టీ శ్రేణులు అందుకు సిద్ధం కావాలని ఆయన పిలుపునిచ్చారు. ప్రస్తుతం ఈ వ్యాఖ్యలు రాష్ట్ర రాజకీయాల్లో హాట్ టాపిక్గా మారాయి.ఇటీవల తెలంగాణలో ఎమ్మెల్యేల పార్టీ ఫిరాయింపు వివాదం పెద్ద ఎత్తున చర్చనీయాంశమైంది. బీఆర్ఎస్ పార్టీకి చెందిన పది మంది ఎమ్మెల్యేలు పార్టీ మారిపోవడంపై దాఖలైన పిటిషన్పై సుప్రీంకోర్టు (Supreme Court) కీలక తీర్పు ఇచ్చింది. గురువారం వెలువడిన ఈ తీర్పులో, మూడు నెలల్లోగా అసెంబ్లీ స్పీకర్ ఈ అనర్హత పిటిషన్లపై నిర్ణయం తీసుకోవాలని ఆదేశించింది. ఈ తీర్పుతో రాష్ట్ర రాజకీయాల్లో కలకలం రేగింది.
కేటీఆర్ ధన్యవాదాలు
ఈ తీర్పుపై స్పందించిన కేటీఆర్ తన ఎక్స్ (మునుపటి ట్విట్టర్) వేదికగా ఒక పోస్ట్ చేశారు. ఆయన “సత్యమేవ జయతే” అంటూ ప్రారంభించి, ప్రజాస్వామ్యాన్ని కాపాడిన సుప్రీంకోర్టు తీర్పును బీఆర్ఎస్ పార్టీ హర్షిస్తున్నదని తెలిపారు. ముఖ్య న్యాయమూర్తికి ధన్యవాదాలు తెలుపుతూ, ఫిరాయింపులు ప్రజల తీర్పును అవమానపరిచే చర్యలని, ఇటువంటి చర్యలకు ఇక ముద్రవేయాల్సిన సమయం వచ్చిందని పేర్కొన్నారు.సుప్రీంకోర్టు ఇచ్చిన తీర్పును బీఆర్ఎస్ పార్టీ స్వాగతిస్తోందని కేటీఆర్ (KTR) తెలిపారు. ప్రజాస్వామ్యాన్ని కాపాడిన సుప్రీంకోర్టు ప్రధాన న్యాయమూర్తికి కేటీఆర్ ధన్యవాదాలు తెలిపారు.ఈక్రమంలో దీనిపై విచారణ చేపట్టిన జస్టిస్ బి.ఆర్. గవాయ్, జస్టిస్ అగస్టీన్ జార్జ్ మసిహ్ ధర్మాసనం తీర్పు వెలువరించింది. ఫిరాయింపు పిటిషన్పై ఏళ్ల తరబడి నిర్ణయం తీసుకోకుండా పెండింగ్లో పెట్టడం సరికాదని తెలిపారు. దీనిపై స్పీకర్కు 3 నెలల సమయం ఇచ్చింది.
ఉప ఎన్నిక అంటే ఏమిటి?
ఎన్నికైన ప్రజాప్రతినిధి పదవీ విరమణ, మరణం, రాజీనామా లేదా అనర్హత కారణంగా ఆ సీటు ఖాళీ అయినప్పుడు నిర్వహించే ఎన్నికను ఉప ఎన్నిక (By-election) అంటారు.
ఉప ఎన్నికలు ఎందుకు నిర్వహిస్తారు?
ఖాళీ అయిన స్థానాన్ని భర్తీ చేసి ప్రజలకు ప్రాతినిధ్యం కల్పించడానికి ఉప ఎన్నికలు నిర్వహిస్తారు.
Read hindi news : hindi.vaartha.com
