Rain: ఉత్తరాఖండ్ను మరోసారి భారీ వరదలు(Heavy floods) చుట్టుముట్టాయి. చమోలీ జిల్లాలో థరలీలో భారీ వర్షం కారణంగా వరదలు సంభవించాయి. అనేక నివాసాలను వరద నీరు ముంచెత్తింది. వాహనాలు బురదలో కూరుకుపోయాయి. దీంతో విద్యాసంస్థలను మూసివేశారు అధికారులు. అంతేకాక వరదల కారణంగా పలువురు గల్లంతైనట్లు తెలుస్తోంది. వెంటనే అప్రమత్తమైన ఎన్టీఆర్ఎఫ్, ఎన్టీఆర్ఎఫ్ బృందాలు వరద ప్రభావిత పాంతాలకు చేరుకొని సహాయక చర్యలు చేస్తున్నారు. వరదల్లో చిక్కుకుపోయిన స్థానికులను రక్షించి సురక్షిత ప్రాంతాలకు తరలిస్తున్నాయి. సగ్వారా గ్రామంలో శిథిలాల కింద ఓ యువతి చిక్కుకుపోయింది.
విపత్తుతో అనేకమంది మృతి
ఉత్తరాఖండ్ లో కురుస్తున్న భారీ వర్షాలకు చాలామంది మరణించారు. ఈ ఏడాదిలో ఇప్పటికే వర్షాల కారణంగా సంభవించిన విపత్తు వల్ల చాలామంది ప్రాణాలు కోల్పోయారు. వేలాదిమంది ఇళ్లు ధ్వంసమయ్యాయి. అనేక అనుసంధాన రహధారులు మూసుకోవడంతో ప్రజల ఇబ్బందులు పడుతున్నారు. కాగా మరోరెండు రోజులు వర్షాలు తప్పవని ఇక్కడి వాతావరణ శాఖ అధికారులు తెలిపారు. నేడు, రేపు కొన్ని జిల్లాల్లో రెడ్ అలర్ట్, మరికొన్ని జిల్లాల్లో ఎల్లో అలర్ట్ జారీ చేశారు అధికారులు. దీంతో సరిహద్దు జిల్లాల్లో ప్రధాన కార్యాలయాలతోపాటు పాఠశాలలకు సెలవు ప్రకటించారు.
ఢరాలిలో క్లౌడ్ బరస్ట్
కాగా చమోలీ జిల్లాలోని థరాలి ప్రాంతంలో క్లౌడ్ బరస్ట్(Cloud Burst) సంభవించిందనే విషాదకరమైన వార్త అందింది. జిల్లా యంత్రాంగం, ఎన్డీఆర్ఎఫ్, పోలీసులు ఘటనాస్థలలానికి చేరుకుని సహాయ చర్యలు అందిస్తున్నారు అని ఉత్తరాఖండ్ సీఎం పుష్కర్ సింగ్ ధామి ఎక్స్ వేదికగా తెలిపారు. స్థానిక పరిపాలనతో నిరంతరం సంప్రదిస్తూ పరిసిథతిని వ్యక్తిగతంలో పర్యవేక్షిస్తున్నాను అని ఆయన అన్నారు.
ఈ విపత్తు ప్రభావం ఎలా ఉంది?
భారీ వరదలతో అనేక ఇళ్లు నీటమునిగాయి, వాహనాలు బురదలో ఇరుక్కుపోయాయి, పలు రహదారులు మూసుకుపోయాయి. అనేక మంది గల్లంతైనట్లు సమాచారం.
ఎవరెవరు సహాయక చర్యలు చేస్తున్నారు?
ఎన్డీఆర్ఎఫ్, ఎస్డిఆర్ఎఫ్ బృందాలు తక్షణమే ఘటనాస్థలానికి చేరుకుని రక్షణ చర్యలు చేపట్టాయి. స్థానికులను సురక్షిత ప్రాంతాలకు తరలిస్తున్నారు.
READ HINDI NEWS : hindi.vaartha.com
READ ALSO :
