కాళేశ్వరం ప్రాజెక్ట్ – జేబులు నింపుకోవడానికే అంటూ మంత్రి ఉత్తమ్ కుమార్ రెడ్డి తీవ్ర వ్యాఖ్యలు
తెలంగాణ రాజకీయాల్లో మరోసారి కాళేశ్వరం ప్రాజెక్టు తీవ్ర దుమారం రేపుతోంది. లక్ష కోట్ల రూపాయల వ్యయం చేసిన ఈ ప్రాజెక్టు కేవలం జేబులు నింపుకోవడానికే ఉపయోగించారని నీటిపారుదల శాఖ మంత్రి ఉత్తమ్ కుమార్ రెడ్డి ఆరోపించారు. శుక్రవారం జరిగిన మీడియా సమావేశంలో మాట్లాడుతూ, కాళేశ్వరం ప్రాజెక్టులో డీపీఆర్ లోపభూయిష్టంగా తయారు చేయబడినదని, డిజైన్ లో అనేక వాస్తవపరమైన లోపాలున్నాయని ఆయన ఆవేదన వ్యక్తం చేశారు.ఈ మేరకు ఎన్డీఎస్ఏ (NDSA) నివేదికలో వెల్లడైన అంశాలను ప్రస్తావిస్తూ, మేడిగడ్డ, సుందిళ్ళ, అన్నారం బ్యారేజీలు పూర్తిగా పనికిరాని స్థితిలో ఉన్నాయని పేర్కొన్నారు. వచ్చే కేబినెట్ సమావేశంలో ఈ నివేదికపై సమగ్రంగా చర్చించి, బాధ్యులపై చట్టపరమైన చర్యలు తీసుకుంటామని స్పష్టం చేశారు.బిఆర్ఎస్ నాయకులు అబద్ధాలతో ప్రజలను మభ్యపెట్టి, కాళేశ్వరం ప్రాజెక్టును గొప్పగా చిత్రించే ప్రయత్నం చేశారని ఉత్తమ్ మండిపడ్డారు. “మీరు కట్టిన ప్రాజెక్టు మీరు ఉండగానే కూలిపోయింది, దీనిపై మీరు సమాధానం చెప్పాల్సిందే,” అంటూ ఆయన విమర్శలు గుప్పించారు.ప్రాజెక్టు ప్రజల సొమ్ముతో నిర్మించినదే కాని, బిఆర్ఎస్ నేతల వ్యక్తిగత సంపద కోసం దాన్ని వాడుకున్నారని ఆరోపించారు. వ్యవసాయానికి ఉపయోగపడాల్సిన ప్రాజెక్టును దుర్వినియోగం చేసి, రైతులకు మోసం చేశారని పేర్కొన్నారు.
Uttam Kumar Reddy : కాళేశ్వరం వల్ల రైతులకు మేలు లేక, నష్టమే అంటున్న మంత్రి
ఎన్డీఎస్ఏ నివేదిక కేంద్రంలో ఉన్న నిపుణులచే రూపొందించబడినదని, దాన్ని తప్పుపట్టే స్థాయి ఎవరిదీ కాదని ఉత్తమ్ వ్యాఖ్యానించారు. వ్యవసాయ రంగాన్ని బలోపేతం చేయడానికి కాంగ్రెస్ ప్రభుత్వం చేపట్టిన చర్యల వల్లే పంట దిగుబడులు పెరిగాయని తెలిపారు.బిఆర్ఎస్ పార్టీ రైతులకు బహిరంగ క్షమాపణ చెప్పాలని ఆయన డిమాండ్ చేశారు. నిబంధనలకు విరుద్ధంగా నిర్మాణాలు జరిపినవారిపై కఠిన చర్యలు తీసుకోవడం ద్వారా న్యాయం జరుగుతుందని స్పష్టం చేశారు.కళేశ్వరం ప్రాజెక్టు చుట్టూ తిరుగుతున్న వివాదాలు, నిర్లక్ష్య నిర్మాణం వల్ల రాష్ట్ర ఖజానాపైనే కాదు, రైతుల జీవితాలపై ప్రభావం చూపింది. ప్రభుత్వం దీనిపై త్వరితగతిన స్పందించి బాధ్యులపై చర్యలు తీసుకోవాలని ప్రజలు కోరుతున్నారు.
Read More : Telangana Govt Schools : సర్కారు బడుల్లో సమ్మర్ క్యాంపులు
